Bayan ng Liliw kinilala ng DSWD sa matagumpay na pagpapatupad ng Supplemental Feeding Program

By
Kevin Pamatmat
-
0
774

Liliw, Laguna. Kinilala ni Department of Social Welfare and Development Region 4A Director Marcelo Castillo ang bayang ito dahil sa matagumpay na pagsasagawa ng Supplementary Feeding Program para sa taong 2019 hanggang 2020.

Tinanggap ni Liliw Mayor Ericson Sulibit ang certificate of recognition kay Liliw DSWD Chief Arnie Ocado kamakailan sa isang programang ginanap sa munisipyo ng nabanggit na bayan.

Ang Supplementary Feeding Program ay ang pagdaragdag ng pagkain bukod sa regular na pagkain sa mga batang kasalukuyang pumapasok sa mga day care center. Ang maiinit na pagkain na ang mga recipe ay inirekomenda ng Food and Nutrition Research Institute (FNRI) ay isinisilbi sa mga bata sa day care center tuwing break time.

Si Mayor Ericson Sulibit ng Liliw, Laguna ay tumanggap ng certificate of recognition mula sa DSWD bilang pagkilala sa matagumpay na pagsasagawa ng Supplementary Feeding Program para sa taong 2019 hanggang 2020.
Ang Supplementary Feeding Program ay programa ng DSWD upang sugpuin ang malnutirion sa mga bata sa bansa. Tuwing breaktime ay pinakakain ang mga batang pumapasok sa daycare center ng bukod sa regular nilang pang araw araw na pagkain. Photo Credits: Sunstar

Author profile
Kevin-Pamatmat
Kevin Pamatmat

Si Kevin Pamatmat ay miyembro ng Camp Vicente Lim Press Corps. Nagsimula siya sa larangan ng pamamahayag bilang  photojournalist at news correspondent noong 2004. Broadcaster din siya sa DZJV 1458 Radyo Calabarzon at Balita Ngayon Online News.

Related entries