Wednesday, April 23, 2025


Your Daily News Update About CALABARZON and Beyond.
ISSN 2799-1911

Home Blog Page 610

Illegal miners, inaresto sa Taal Volcano Protected Area

Venus L Peñaflor
-
0
Illegal miners, inaresto sa Taal Volcano Protected Area

Talisay, Batangas. Inaresto ng Department of Environment and Natural Resources (DENR) sa pamamagitan ng Environmental Law Enforcement and Protection Service (ELEPS) kamakailan ang isa pang grupo ng mga suspek sa isang anti-illegal quarrying operation sa Taal Volcano Protected Area kamakailan.

Sinabi ni DENR Secretary Roy A. Cimatu na ang mga minerong patuloy na gumagawa ng mga ipinagbabawal na aktibidad ay nangangahulugan na “nananatili silang hindi natatakot sa environmental laws at sa mga kaukulang mga parusa sa paglabag dito.

“These illegal quarrying operations cannot be stopped if we remain complacent with enforcement operations. This is the reason why the DENR has bolstered training for our enforcement personnel, and more reasons why the legislative arm of the government should expedite the Environmental Protection and Enforcement Bureau (EPEB) Bill,” ayon kay Cimatu.

Labing limang iligal na minero ang nahuli sa operasyon ng DENR at kasalukuyang nahaharap sa mga kaso ng paglabag sa Republic Act (RA) 11038 o ang Expanded National Integrated Protected Area Systems (E-NIPAS) Act of 2018, RA 7942 o ang Philippine Mining Act of 1995, Presidential Decree 705 o The Revised Forestry Reform Code of the Philippines, at RA 9275 o ang Clean Water Act.

Nakumpiska sa mga dinakip ang tatlong backhoe, dalawang screener na ginamit upang tukuyin at paghiwalayin ang buhangin at graba, at isang trak na may kargang 127 board feet ng round logs at 122.83 board feet ng tabla.

Natuklasan din ng mga operatiba ng ELEPS na ang lugar ay ginamit bilang isang “firing range” na may mga asul na bariles na puno ng graba at buhangin na nagsisilbing “target papers.” May nakita ring mga bullet slug sa lugar.

Tiniyak ni DENR Undersecretary for Enforcement Benito Antonio De Leon na “gagawin ng ELEPS team ang kanilang makakaya upang maikulong ang mga nagkasala pagkatapos ng operasyong ito.”

Bibigyan ng DAR ng solar-powered irrigation system sa mga magsasaka sa Jalajala at Pililla, Rizal

Carlo Juancho Funtanilla
-
0
Bibigyan ng DAR ng solar-powered irrigation system sa mga magsasaka sa Jalajala at Pililla, Rizal

Pililla, Rizal. Nagsagawa ng Department of Agrarian Reform (DAR), at ang inspectorate team mula sa DAR central at regional offices ng final inspection sa dalawang (2) solar-powered irrigation systems (SPIS) sa Brgy Bagumbong, Jalajala, at Brgy. Hulo, Pililla, Rizal para tulungan ang mga agrarian reform beneficiaries (ARBs) sa lugar na mapataas ang kanilang kita at maiangat ang kanilang buhay.

Sinabi ni DAR-CALABARZON Regional Director Cupido Gerry Asuncion na malapit nang i-turn over ang dalawang (2) SPIS sa Magsasakang Nagkakaisa ng Bagumbong Inc.(MANABAI) na matatagpuan sa Brgy Bagumbong, Jalajala at Alahas ARBs Association, Inc.(AAAI) sa Brgy. Hulo, Pililla, Rizal.

“The SPIS would benefit not only the ARBs but also other neighboring farmers in both barangays,” ayon kay Asuncion.

Binigyang-diin niya na ang pag-install ng SPIS ay magsusulong ng pag unlad at pag ampon ng moderno, naaangkop, cost-effective, at environmentally safe na makinarya at kagamitan sa agrikultura na magpapahusay sa produktibidad at kahusayan ng sakahan.

“With the help of the SPIS, the production cost of the farmers will be reduced because they will no longer buy diesel fuel for their generator sets, instead, they will use sunlight for the operation of the irrigation system,” dagdag ni  Asuncion.

The Department of Agrarian Reform (DAR), together with the inspectorate team from the DAR central and regional offices conducted the final inspection of two (2) solar-powered irrigation systems (SPIS) in Brgy Bagumbong, Jalajala, and  Brgy. Hulo, Pililla, Rizal to help the agrarian reform beneficiaries (ARBs) in the area increase their income and uplift their lives.

DAR-CALABARZON Regional Director Cupido Gerry Asuncion said the two (2) SPIS will soon be turned over to Magsasakang Nagkakaisa ng Bagumbong Inc. (MANABAI) located in Brgy Bagumbong, Jalajala and  Alahas ARBs Association, Inc. (AAAI) in Brgy. Hulo, Pililla, Rizal.

“The SPIS would benefit not only the ARBs but also other neighboring farmers in both barangays,” Asuncion said.

He emphasized that the installation of the SPIS will promote the development and adoption of modern, appropriate, cost-effective, and environmentally safe agricultural machinery and equipment that will enhance farm productivity and efficiency.

“With the help of the SPIS, the production cost of the farmers will be reduced because they will no longer buy diesel fuel for their generator sets, instead, they will use sunlight for the operation of the irrigation system,” Asuncion said.

Ang mga ARB mula sa dalawang organisasyon ay nagpahayag ng kanilang kagalakan at pasasalamat sa DAR na katuwang nito na National Irrigation Administration (NIA), dahil makapagtatanim na sila ng dalawang beses sa loob ng isang taon.

Sinabi ni Asuncion na mangangahulugan ito ng mas mataas na produksiyon at mas mataas na kita ng sambahayan para sa mga magsasaka sa lugar, na karamihan ay nagtatanim ng gulay.

“Farmers will have continuous production of cash crops and vegetables which would be equivalent to abundant harvests, increase in income that would alleviate the economic status of the ARBs,” ang pagtatapos ni Asuncion.

Mga miyembro ng inspectorate team ng DAR central at regional offices sa final inspection ng solar-powered irrigation system (SPIS) sa Rizal province.

Dumating sa PH ang mahigit 1M dosis ng Pfizer kagabi: Lampas na sa 150M ang bilang ng bakunang pumasok sa bansa

Venus L Peñaflor
-
0
Dumating sa PH ang mahigit 1M dosis ng Pfizer kagabi: Lampas na sa 150M ang bilang ng bakunang pumasok sa bansa

Nakatanggap ang bansa ng kabuuang 150,151,870 COVID-19 vaccine doses kagabi kasunod ng delivery noong Miyerkules ng gabi, Disyembre 8, na 1,082,250 government-procured Pfizer-BioNTech jabs na nakuha sa pamamagitan ng Asian Development Bank (ADB).

Tinanggap ito National Task Force Against COVID-19 medical consultant na si Dr. Ma. Paz Corrales at ayon sa kanya sa isang panayam ay mas mahaba na ng tatlong buwan ang shelf life ng Pfizer COVID-19 vaccines.

“As you heard in the news last night, the shelf-life of Pfizer has been extended to three more months. As to the other vaccines we’re still waiting for their applications,” ayon kay Corrales.

Sa kasalukuyan, may kabuuang 25.8 milyong dosis mula sa 40 milyong binili ng pamahalaan na bakunang Pfizer ang naipadala na sa Pilipinas.

Nanawagan din si Corrales sa lahat ng Pilipino na suportahan ang ikalawang round ng National Vaccination Days na gaganapin mula Disyembre 15 hanggang 17.

Sinabi niya na 7 milyong Pilipino ang target na ma- inoculate sa tatlong araw na massive vaccination event.

“Buong Pilipinas po ito, wala pong pinipili. Ito ay whole-of-government approach na lahat po ng ahensya ng gobyerno ay inatasan ng ating Pangulong [Rodrigo] Duterte na magtulungan upang ma-reach natin ang 7 million na target,” ayon pa rin kay Corrales. 

Papunta na sa herd immunity ang SPC, 7% na lang ang walang first dose: Sinusuyod ngayon ang 80 barangay sa house to house vaccination program

Venus L Peñaflor and Sandy Belarmino
-
0
Papunta na sa herd immunity ang SPC, 7% na lang ang walang first dose: Sinusuyod ngayon ang 80 barangay sa house to house vaccination program

San Pablo City, Laguna. Malapit ng maabot ang  100% ng target population upang magkaroon sa herd immunity sa lungsod na ito, ayon kay San Pablo City Health Officer James Lee Ho.

Ayon sa report, lang o 7% na lamang ang wala pang first dose at 27% ang naghihintay ng kanilang second dose sa nabanggit na lungsod. 

Upang mabakunahan ang 100% target population, pinupuntahan ng city health frontliners ng lungsod ang bawat barangay upang magsagawa ng house to house vaccination.

Ngayong araw ay umiikot ang mga lokal na frontliners sa mga barangay ng Sta Maria Magdalena, Sta. Filomena at Santiago. Bukas ay nakatakda namang suyurin ang mga barangay ng Del Remedio, Sto. Niño, Bautista, San Francisco at Farconville Village.

“Mas maganda na nasusuyod natin ang bahay-bahay upang mabakunahan ang mga nasa malalayong lugar na walang kapasidad na bumaba sa kabayanan. Kasabay po ng house to house vaccination program ay tuloy tuloy ang bakunahan sa ating mga vaccination sites para maabot natin ang 100% target population para po agad-agad tayong magkaroon ng protection laban sa mga variant,” ayon kay Dr. Lee Ho.

Samantala patuloy  ang information campaign para sa ikalawang bahagi ng National Vaccination Days. Upang ipahayag ang suporta sa nabanggit na programa, i-share at gawing temporary photo ang larawan sa ibaba.

Nasa slideshow ang mga larawan sa puspusan ang kasalukuyang pagsasagawa ng hose to house vaccination program sa 80 barangay ng San Pablo City sa pangunguna ni San Pablo City Mayor Amben S. Amante at City Health Officer Dr. James Lee Ho.

Pinayagan ni PNP Chief Carlos ang mga tauhan ng PNP na mag pasko sa piling ng kanilang mga pamilya

Roy Tomandao
-
0
Pinayagan ni PNP Chief Carlos ang mga tauhan ng PNP na mag pasko sa piling ng kanilang mga pamilya

Bibigyan ng pagkakataon ni Philippine National Police Chief, Police General Dionardo Carlos na ang mga pulis na makasama ang kanilang pamilya ngayong Pasko.

Upang maging posible ito, inihayag ng police chief sa ceremonial lighting ng Christmas lights sa PNP headquarters sa Camp Crame na magpapatupad ang PNP ng scheme na magbibigay-daan sa mga pulis na magsagawa ng tungkulin malapit sa kanilang mga tahanan.

“I am asking the Directorate for Personnel and Records Management to find a way for commissioned and non-commissioned officers to perform their duties away from their original assignments if needed, “The policy of cancelled holiday vacation for police personnel will be sustained but at least they will have the opportunity to still spend Christmas with their families,” ayon kay Carlos.

Ipapakalat ang mga pulis sa mga police station na pinakamalapit sa kanilang mga tahanan. Maaari rin silang magsilbing augmentation force kung magkakaroon ng mga emergency na mangangailangan ng kanilang tulong.

Mabagal ang industrialization sa PH kaya mabagal din ang pag ahon sa kahirapan

Marius Myrone S Zabat Jr
-
0
Mabagal ang industrialization sa PH kaya mabagal din ang pag ahon sa kahirapan

Sa  recovery mula sa global crisis, ang policy ng Pilipinas ay muling tutuon sa isang pangmatagalang agenda sa pag-unlad. Nakakadismaya ang long-term growth ng Pilipinas sa kabila ng mga magagandang paunang kondisyon. Sa paglipas ng mga dekada, ang ekonomiya ay nagdusa dahil sa mataas na kawalan ng trabaho, mabagal na pag ahon sa kahirapan, at walang pag-unlad na investments.

Bakit hindi maabot ng Pilipinas ang high growth na kagaya ng mga bansa sa paligid natin? Ano ang mga pangunahing sanhi ng talamak na problema sa kawalan ng trabaho, kahirapan, at kakulangan sa investment? Ayon sa ADB Economics Working Paper Series ni Norio Usui na may pamagat na Transforming the Philippine Economy: “Walking on Two Legs,” ang mahinang pag usad ng paglago ng Pilipinas ay maiuugnay sa mababang pag asenso ng productivity. Mabagal na industrialization partikular sa manufacturing. Ang mga talamak na problema ng mataas na unemployment, mabagal na pag ahon sa kahirapan, at mababang pamumuhunan ay mga repleksyon ng mabagal na industriyalisasyon. 

Ang paunang tagumpay sa electronics ay nagbigay ng kakayahan sa ekonomiya na magkaroon ng mga kakayahan para sa productive diversification. Gayunpaman, ang mga insentibo upang magamit ang mga kakayahang ito ay humina dahil sa kakulangan sa mga pangunahing imprastraktura, mahinang investment at matabang na business climate.

Sinusuri din ni Usui ang lumalaking services sector, partikular ang umuusbong na business process outsourcing industry sa epekto nito sa paglikha ng trabaho. Ang pangunahing konklusyon ay, sa halip na “tumalon” sa industriyalisasyon, ang Pilipinas ay kailangang “lumakad gamit ang dalawang paa” upang paunlarin ang industriya at mga serbisyo na bubuo ng mga oportunidad sa trabaho para sa lumalaking working-age population.

Ayon sa mga datos ng Industrial Revolution noong lumipat sa bagong manufacturing processes ang Britain, continental Europe at US noong mga 1760 hanggang sa pagitan ng 1820 at 1840, ilang mga ekonomista ang nagsabi na ang pinakamahalagang epekto nito ay ang pagtaas ng antas ng pamumuhay ng general population ng western world sa unang pagkakataon sa kasaysayan.

Kailangan ang seryosong pag aaral sa tulong ng mga eksperto upang sa wakas ay makita ang daan sa tunay na pag unlad sa Pilipinas. Iniisip ko kung kasama ba ang agenda na ito sa plataporma de gobyerno ng mga kandidato para sa 2022 elections.

Reference: Asian Development Bank

Precious moments: Mga bagong life skills na alay ng pandemya

Venus L Peñaflor
-
0
Precious moments: Mga bagong life skills na alay ng pandemya

Nagsasawa na tayo sa mga kwento at balita tungkol sa Covid-19 at bakuna. Kasi nga naman ay ito na lang ang laman araw araw ng mga pahayagan at telebisyon. Kaya pag usapan naman natin ang magagandang aral na itinuro ng krisis na ito sa atin. 

Family is everything

Pamilya ang pinakamahusay na gamot sa lahat. Ngayon, alam na ni Lola at ni Lolo na kung hindi man nila mayakap nang personal ang kanilang apo, pwede naman nilang tingnan si tutoy o si ineng sa video call. Na pwede rin palang mangumusta sa mga anak gamit ang email. Na maaari pa rin nilang ibahagi ang kanilang wisdom sa family group chat. Ang mga bagong technology skills na ito ang pinakadakilang regalo ng COVID sa older generation na karaniwan ay takot sa isolation.

Relax. Unwind. Indulge

Naging normal ang pagpapalayaw natin sa sarili dahil mahalaga ito sa wellbeing – para sa atin at para sa mga nakapaligid sa atin. Naging mahalaga para sa health at equilibrium natin ang mga gawain na dating itinuturing na makasarili. Isa na dito paliligo ng matagal sa bubble bath, ang pagkukukot ng halaman sa likod bahay, pag inom ng tsaa o kape habang nakataas ang paa o pag upo sa may bintana hanggang lumubog ang araw na suot mo pa rin ang iyong robe. Ang pagiging mabait sa sarili ay nag aalok ng konsolasyon sa kung anumang nakakatakot na pangyayari ang meron sa labas ng bahay.

Being broke is no joke

Salamat sa mga quarantine at sapilitang pagtitipid. Kung hindi man tayo mag pasyal, mag shopping o mag party, nakatipid naman tayo ng malaki. Naisip natin kung gaano kahalaga ang may nakatago para sa bukas. Bukod syempre ito sa pambili ng milk tea sa foodpanda o ng fried siomai sa Wentan. Iba pa rin sa pambili ng baking ingredients mo sa Wish Bonilla na pinick up ni rider Liezel. Natutuhan nating magsubi para sa emergency.

Hello po, Chairman

Kung dati ay hindi kasali si Chairman sa programa ng ating buhay, ngayon ay nakita natin kung gaano siya kahalaga sa mga panahon ng krisis. Lalo na kung ang chairman mo ay kasing sipag at kasing galing ni Kap Jeng. Na appreciate natin ang kahalagahan ng barangay system sa bigayan ng ayuda. Ramdam na ramdam natin na safe tayo pag naririnig nating dumadaan ang patrol bike ng mga barangay tanod. Kitang kita natin kung paano inasikaso ni Kap ang mga kapitbahay nating nagkasakit. Nabuhay ang cultural at social character natin.

Life is better with friends

If ever there is tomorrow when we’re not together there is something you must always remember. You are braver than you believe, stronger than you seem, and smarter than you think. But the most important thing is, even if we’re apart, I’ll always be with you. – Winnie-the-Pooh
Tulad ng maraming bahagi ng ating buhay, ang pagkakaibigan ay apektado din ng pandemya. Na miss natin ang mga tsikahan sa office at parties. Nawala ang mga class reunions at nag cancel ng bakasyon ang mga tropang nasa malayo. Naging close tayo sa iilang kaibigan lang. Sa kabilang banda, kapag malungkot tayo, hindi naman natin kailangan ang maraming kaibigan. Mas kailangan natin ang real talk sa ilang kaibigan lang kung saan ay nararamdaman natin ang suporta, pagmamahal at pagtanggap. Ang mahahabang video o audio call noong lockdown sa bestfriend mo ay priceless. Maswerte ako dahil meron akong Vinia at Paul na hindi nagagalit kahit kinukulit.

Ilan lamang ito sa mga bagong awareness na nakuha natin sa gitna ng krisis. Hindi ko na binanggit ang mga plantita at plantito at mga naging mahusay sa pagbuburda at gantsilyo, pagpipinta, pagluluto at pagbi-bake at marami iba pang bagong craft skill. Tayong lahat ay may kanya kanyang adjutsment sa new normal na kinapulutan natin ng mahalagang aral. Nakadagdag ang mga leksyong ito sa emotional intelligence natin. Maituturing nating mga bagong life skills ang mga ito.

Frontliners Partylist nakipag thanks giving kay Rep. Sol Aragones

Kevin Pamatmat and Roy Tomandao
-
0
Frontliners Partylist nakipag thanks giving kay Rep. Sol Aragones

Liliw, Laguna. Nagpahayag ng suporta kay Laguna 3rd District Representative Sol Aragones si dating Taekwondo practitioner Jayke Joson ng Frontliners Partylist noong Sabado sa Balay Celina, bayang ito.

Ang ginanap na thanksgiving event ay dinaluhan ng humigit kumulang na 500 bisitang frontliners na nabigyan ng maagang pamaskong cellphone, gift certificates, bisikleta at bigas mula kay Aragones.

“I would like to thank the Frontliners for saving the life of my parents last year during the height of the pandemic when they were infected by Covid-19. I know the everyday struggle of being a Frontliner, not only those working in hospitals but also the police, soldiers and our delivery boys,” ayon kay Joson na first nominee ng nabanggit na partylist.

Si Laguna 3rd Rep. Sol Aragones na tumatakbo ngayon bilang gobernador ng Laguna ay nagpahayag ng kanyang pasasalamat sa Frontliners Partylist sa pagsuporta sa araw-araw na laban ng mga doktor, nars, pulis, sundalo at mga food delivery boys, bukod sa iba pang manggagawa.

“I would like to thank Frontliners Partylist for being the voice of our very own life savers in the Congress soon. Thank you for offering your time and life to help them. We are with you in this fight, we will support you,” ayon kay Aragones.

Dumalo din dito si Liliw Mayor Nhon Montesines at ang kandidatong vice mayor nito na si Maria “Ayette” Ticzon.

Rabbit farming, ang pinakabagong livestock diversification na makapagbibigay ng dagdag na kita sa farmers

Joel Frago
-
0
Rabbit farming, ang pinakabagong livestock diversification na makapagbibigay ng dagdag na kita sa farmers

Kapag nanunuyo sa dalaga ang binata, lagi itong nagbibigay ng ng mga regalo sa kanyang nililiyag. Yan ang itinanim ng Diyos sa puso ng mga binata – ang maging maalalahanin sa kanyang minumutya. Naalala ko lang, rabbit ang regalo ko sa unang valentines day namin ng aking gf noon na wife ko na ngayon. Tuwang tuwa siya at hindi na nga pumayag na hindi niya ako maging asawa.

May kakaibang charm kasi ang mga rabbit. Dahil siguro sa  maamong itsura nito at malambot na balahibo.  Kaya naman maraming nag aalaga ng rabbit bilang pet.

Madalas din itong iregalo sa mga bata dahil safe kahit para sa toddlers. Pwede nilang hawakan o himasin dahil hindi ito nangangagat. Karaniwan ay sa rabbit nabubuksan ang isip at puso ng tao upang maging mapagmahal sa hayop.

Mayroong 305 breeds ng domestic rabbit sa 70 bansa sa buong mundo. Ang pinakamalaking breed ay ang Transylvanian rabbit na tumitimbang ng 10 kilo. Mga giant rabbit ito na kasing amo din ng mga regular na rabbit.

Dito sa Pilipinas naging bisita namin sa Forest Wood Garden farm si Doc  Sari Casanova na importer ng Giant Rabbit na nagkakahalaga ng Php 80,000 ang isa. Isa lamang ito sa mga breed ng rabbit na inaalagaan sa Pilipinas na may iba ibang laki, sukat at presyo, depende sa lahi.

Territorial animals ang rabbit. Nanganganak ito ng anim na beses sa loob ng isang taon. Mula sa pagkasilang,  kailangan ay 5 buwan bago ito kastahan. Mas mabuti kung ang doe rabbit ang dadalhin sa buck rabbit para siguradong makakastaan.

Instinctive ang proseso ng panganganak ng rabbit kaya hindi na nila kailangan ang tulong natin. May ugali din sila na magtanggal ng palahibo sa dibdib para ihanda ang  suso para sa mga baby rabbits. Ginagawa namang anakan at higaan ng kanyang mga kittens ang mga natanggal na balahibo.

Depende sa uri at klase ng lahi ng rabbit ang laki nito. May fancy breed ng rabbit na pang pet at breed na meat rabbit.  Ang mga pet type ay pwedeng pang cross breed sa mga meat rabbit para lumaki  ang lahi. 

Ang rabbit ay hindi mahirap alagaan dahil ang pagkain nito ay 70% forage gaya ng Mani mani plant, Madre de agua, at kangkong. Pero kahit mga ito ay herbivore, kailangan din ng mga ito ang 30% ng protina na galing sa pellet food upang sila ay maging malusog. Mahalaga ring malinis ang kanilang tirahan para hindi sila magkasakit. 

Kung mayroon kayong bukid, mas mainam kung ihahanda muna ang mga halaman na pwedeng pagkain bago mag alaga ng rabbit. Tamang tama naman na ang bukid namin ay mayaman sa halaman gaya ng mani mani at madre de aqua kaya’t hindi ako gagastos ng  malaki sa pagkain. 

Maraming pakinabang sa rabbit bukod sa ito ay nakakatuwang pet. Ang karne nito ay healthy all-white meat na mayaman sa high quality proteins, omega-3 fatty acids, vitamin B12,at minerals gaya ng calcium at potassium. Ang rabbit meat ay low in cholesterol din. 

Kaya nga dumadami na ang rabbit themed restaurant sa bansa at kailan lang ay lumabas na din sa market ang lechon rabbit.

Ang dumi ng rabbit ay pagkain ng African night crawlers, isang uri ng bulate na ginagamit sa composting. Ang ihi naman ay ginagamit na foliar o pampabulaklak. 

Sa kasalukuyan ay itinutulak ng Department of Agriculture ang pag aalaga ng rabbit dahil ito ay isang healthy at murang alternatibo sa pork. Bukod pa sa ito ay isang uri ng sustainable farming na may magaan na impact sa earth. Nakikita din nila ito na isang livestock diversification na mapagkikitahan ng farmers.

Dito sa atin sa Laguna ay kapuri puri ang  mga batang bata pang mga entrepreneur na mga former OFWs na ngayon ay nasa rabbit-raising enterprise na gaya nina Eric Manalo, Aldwin Chozas at  Resty Almoite. Sila ay mga haligi ng tahanan na sumubok landasin ang panibagong hamon ng buhay sa larangan ng pagnenegosyo. 

Dalangin ko ang tagumpay nila at ng bagong rabbit farming sa buong bansa. Kaugnay nito, alalahanin natin ang sinasabi sa Mga Awit 90:17 – Panginoon naming Diyos, kami sana’y pagpalain, magtagumpay nawa kami sa anumang aming gawin! Magtagumpay nawa kami!

Beyond politics: Kindness matters

Melinda Bagsic Evangelista
-
0
Beyond politics: Kindness matters

A lot of things had been said and written about former San Pablo City Mayor, now City Administrator Vicente B. Amante all pointing to his achievements as Chief Executive.  To say that he is the ‘Architect of Progress’ in this city to me is an understatement.  He will not be named the “Living Legend” simply for doing the things he had done in the past because those were part of his duties and functions as elected local official.

One must look beyond the man as a leader, public servant, friend, son, partner, father, political ally and nemesis to be able to know who he really is and why many Sampablenyos continue to support him from the time he was first elected in 1992.  I have been monitoring his program of government and I am amazed by how he placed a premium on health and education by putting up General Hospital and rural high schools in different barangays. These are on top of the many facilities he built like memorial parks, convention center and the Paseo de San Pablo where everyone could meet, dine and enjoy the beauty of the surroundings.

Mayor Vic or Pareng Biteng to many is not perfect.  Like an ordinary father of the family, he has his idiosyncrasies and habits but it is his imperfection that makes him adorable. His love for the city and its people is encompassing.  When asked for financial help or otherwise, he is always willing to extend a helping hand unlike others who will shoo away or hide behind the invisible curtain of office works and meetings.  

His empathy for the poor is real.  It transcends beyond politics and political colors.  I remember the story of this old woman from the Province of Batangas who approached him begging for help because her son needed an urgent operation in a hospital.  The good mayor was going to a derby somewhere and normally, he would not want to be disturbed but seeing the tears in the woman’s eyes, he went out of his car and gave her the money enough to cover for the operation.  What better Christian work is this, giving aid to the needy without expecting any return?

For the information of those who do not know him, Mayor Vic is putting into practice his political mantra “Your health is my concern!” This is why he put up the San Pablo City General Hospital which caters not only to the residents of San Pablo but also to the residents of the neighboring towns and provinces especially during this pandemic. As proof that his love transcends beyond politics, he spent a fortune financing the open-heart surgery of two of his political rivals with no strings attached.

One thing I appreciate so much about Mayor Vic is the kind of rearing he and his wife did to his children.  Unlike other kinds of influential politicians, the Amante siblings keep their feet on the ground.  They are courteous, helpful, soft-spoken and easy to approach.  I have yet to hear stories about them using their name to advance their personal interest.  I will not wonder if they will continue to rule in the years to come.

1...609610611...633Page 610 of 633




Tutubi Digital News will shape up the way you stay up to date with the goings-on around Calabarzon, and the world. Tutubi is committed to keep you socially active. Tutubi updates on the Go!


Contact us:

info@tutubi.ph

Popular Posts

Popular category

World News2630PH News2577Curiosity558Opinion345Science331

Developed by Tutubi Digital Marketing Solutions | Privacy Policy | Terms and Conditions of Use | Cookie Policy | All rights reserved