Teresa, Rizal.  Inilawan sa bayang ito kamakailan ang eco-friendly Christmas tree na gawa sa mga lumang face shield acetate, straw, bunot, at iba pang recyclable materials sa isang programang pinamagatan YES Recycled Christmas Tree Lighting Ceremony.

Pinangunahan ni  GSIS Trustee Nina Ynares bilang kinatawan ni Governor Ynares ang seremonya ng pag iilaw ng makulay at recycled Christmas tree kasabay ng fireworks display.

Dumalo sa ginanap na programa sina Vice Governor Junrey San Juan, Bokal Dino Tanjuatco at si Teresa Mayor Raul Palino kasama ang mga miyembro ng sangguniang bayan ng Teresa.

Sumaksi din ang mga barangay chairman at mga hepe ng iba’t ibang departamento ng munisipyo ng nabanggit na bayan.

400 na kawayan, itinanim sa old San Mateo sanitay landfill

San Mateo, Rizal.  Sinimulan ang rehabilitasyon ng lumang sanitary landfill sa bayang ito kasabay ng pagtatanim ng 400 na puno ng kawayan na pinangunahan ni DENR Undersecretary for Solid Waste Management and Local Government Units Concerns Benny D. Antiporda.

“This place was sacrificed long time ago as the waste basket of Metro Manila and I thank the people of San Mateo and Rizal for this. Rather than pointing fingers to people who are irresponsible in terms of solid waste, we would rather act on it. Kahit anong linis ng government kahit anong pondo ang ilaan, kung hindi magtutulong tulong ang tao, wala pong mangyayari. Kung ayaw pong tumulong, ‘wag na lang pong magkalat,” ayon sa mensahe ni Antiporda.

Samantala, pinuri ng under secretary sang tanggapan ng Environmental Management Bureau hinggil sa nabanggit na rehabilitation project. “Noon ay hindi masyado pinag-uusapan ang basura pero ngayon, hindi lang pinag-uusapan, inaaksyunan pa.” dagdag ni Antiporda.

Ipinaliwanag naman ni Engr. William P. Cuñado, Director of the Environmental Management Bureau ang katuwiran sa likod ng sinimulang rehabilitasyon. “We are now launching a very big project that will show cause for the environment in terms of rehabilitation and also for the economic view where we convert this area into an eco-park. We are going to embark on the greening of the old San Mateo sanitary landfill by planting bamboo which is very appropriate in this area. The old San Mateo sanitary landfill has already ceased its usefulness as a disposal site but it does not mean that we cannot restore it into something remarkable.” ayon sa kanya.

Ayon pa rin ka Cunado kung bakit kawayan ang napiling itanim sa binuksang San Mateo Garden and Eco-Park, “Bamboo roots are used as a filter to draw out the toxic substances that will give you clear water. It has a built-in team of microbes that decompose toxic substances like tri halo methane or chlorine. In that sense, the bamboo will greatly help us in purifying the water flowing through our rivers”, ani Cunado.

Sinabi naman ni DENR Calabarzon Regional Executive Director Nilo B. Tamoria na ang nabanggit na eco-park ay magsasagawa ng natural na paraan ng rehabilitasyon. “Makasaysayan dahil habang nire rehabilitate natin ang naisarang more than 70 hectares na landfill, ang rehabilitation natin ay ‘yong natural sa pamamagitan ng pagtatanim ng kawayan. Marami na ang pag-aaral at patuloy pa ang pag aaral para hanapan ng naaangkop na tipo ng species ng kawayan na maaaring makatulong sa pagsipsip ng mga kemikal at malinis ang basurahang ito,” pagbibigay diin niya. 

Kinilala din ni Tamoria ang kahalagahan ng tulungan sa pagitan ng iba’t ibang ahensya ng pamahalaan, local government units at mga naninirahan sa komunidad sa pagsisikap tungo sa naturang rehabilitation project. “Nagsasalubong po ang mga prayoridad at proyekto ng iba’t ibang ahensya ng pamahalaan. Ang prayoridad ng lalawigan sa pamamagitan ng YES to Green program, ang prayoridad ng EMB para sa safe closure ng sanitary landfill, at prayoridad ng ating kalihim na i-propagate ang kawayan bilang pangunahing species sa regreening program ng ating pamahalaan”, ayon sa kanya.

Kaugnay nito, nagpasalamat si Rizal Governor Rebecca Ynares at si Rizal Vice Governor Reynaldo San Juan, Jr. sa re-greening project ng lumang sanitary landfill sa kanilang nasasakupan. Ito, ayon sa kanila ay makatutulong ng malaki sa pagpapalakas nila malusog na ecosystem sa lalawigan ng Rizal.