Tapos na ang filing of candidacy. Kasado na ang mga kandidato sa May 9, 2022 elections. Mag aabang na lang tayo ng atrasan at palitan ng mga kandidatong may partido.

Bumoto ng tama. Naririnig natin ito tuwing malapit na ang eleksyon. Ang pagboto ng tama ay relative. Maaaring ang pagboto ng tama sa iyo at hindi tama para sa akin and vice versa.

Lahat ng kandidato ay nagsusubok magbenta ng sarili nila sa mga botante. Minsan, ang mga pananalita nila ay skillfully crafted at nakakaya nilang baluktutin ang katotohanan. At kahit gaano kahusay o kaingat ang isang observer ay mahihirapang magtukoy na ang mga naghahangad na ito sa puwesto ito ay nambobola at nanlalansi lamang.

Sa isang banda, puwede naman nating husgahan ang mga kandidato sa dalawang paraan. Una, batay sa kanilang tindig sa mga isyu. Pangalawa, batay sa uri ng kanilang liderato at karanasan.

Kung batay sa isyu, tiyakin kung anong lokal, panlalawigan  at pambansang problema ang nais mong matugunan. Halimbawa ay Covid-19 response, effective governance o climate change.

Sa pagkilatis sa uri ng kakayahan sa pamumuno, itanong muna natin sa ating sarili kung ano sa palagay natin ang mga katangian ng epektibong halal na pinuno. Ang hanap mo ba ay matalino, matapat, mapagkumbaba, mahusay makipag usap, makatao. Ano pa?

Kilalanin natin ang mga kandidato. Mangalap tayo ng mga babasahin tungkol sa kanila. I google natin sila. Silipin natin kung paano sila tinitingnan ng mga tao. Makitsika tayo ngunit huwag nating kakalimutan ang sarili nating obserbasyon. Alamin natin kung sino sa kanila ang nagtataglay ng tunay na kaalaman sa mga isyung mahalaga sa iyo.

Kung malinaw na ang mga datos, pwede na tayong pumili.

At nawa ay tamang kandidato ang maiboto natin.

Majayjay, Laguna.  Binuo sa bayang ito isang alyansang Dobol A ng kandidatong mayor na si Romeo Perez Amorado at vice mayor nito na Ariel Arcena Argañosa.

Kasamang naghain ng certificate of candidacy ang mga panlabang konsehal ng grupo na  sina Wilson “Kulot” Amorado, Jhun Andaya, Hepe Bhic Bicomong, Nestor “Luya” Cube, Ruth Esteba, Capal Estupigan, Gab Mentilla at Wowie Vito.

“Una sa lahat, ako ay lubos na nagpapasalamat sa libo libong nag view, like, comment at share sa aking Facebook post tungkol sa kandidatura ng aking grupo. Nakakataba po ng puso ang inyong mga comments. Binigyan po ninyo ako ng ibayong inspirasyon. Makakaasa po kayo na kapit-kamay nating lalampasan ang epidemyang ito at sa pamamagitan ng Dobol A Team ay sama sama nating pagtutulungan na maiangat ang antas ng ating pamumuhay,” ayo sa mensahe ni Amorado.

Si Argañosa ay kasalukuyang vice mayor ng nabanggit na bayan.

Nagcarlan, Laguna.  Pormal na inilunsad ang Team LOUVE, ang tiket ni incumbent Nagcarlan Mayor Lourdes Arcasetas at ng pambatong vice mayor nito na si Evelyn Costelo Sotoya na tatakbo sa ilalim ng pagkat na Partido Demokratiko Pilipino (PDP).

Kasama sa binuong pwersa ang mga kandidatong konsehal na sina Brando P. Araneta, Felipe “Peep” Arcigal, Generoso “Rey” Comendador, Teddy “Ted” Coroza, Atty.Ron Esquivel, Andrea Sedurifa, Edilberto “Bert” Sotoya at Simoun  N.Suliguin.

Si Arcasetas ay tatakbo para sa ikalawa nyang termino bilang alkalde samantalang si Sotoya na kanyang panlabang vice mayor ay dating SK Chair ay katatapos lang ng kanyang tatlong termino bilang municipal councilor ng nabanggit na bayan.

“Kaisa po ninyo kami sa ating pagpapatuloy ng matapat, mahusay at may malasakit na paglilingkod sa ating mahal na bayan,” ayon sa mensahe ni Arcasetas.