Lucena City, Quezon. Sinimulan ng Armed Forces of the Philippines (AFP) ang pagtatayo ng tatlong palapag na gusali ng ospital sa headquarters ng Southern Luzon Command (Solcom) sa Lucena, Quezon alinsunod sa pagsisikap na mapabuti ang serbisyong medikal at kalusugan para sa kanilang mga tropa.
” Pinangunahan ni AFP chief-of-staff Lt. Gen. Bartolome Vicente O. Bacarro ang groundbreaking ceremony para sa bagong gusali ng Camp General Nakar Station Hospital noong Miyerkules, Setyembre 14, sa Headquarters ng Southern Luzon Command sa Lucena, Quezon,” ayon kay AFP public affairs office chief Col. Jorry Baclor sa isang pahayag noong Huwebes ng gabi.
Ang gusali ng ospital ay magkakaroon ng 25-bed capacity na may full complement at capability ng isang Level 1 na ospital na maaaring magbigay ng in-patient, outpatient, emergency, at ancillary services.
Ang proyekto ay naisagawa sa pamamagitan ng pagsisikap ng Department of National Defense at ng Department of Public Works and Highways sa pamamagitan ng “Tatag ng Imprastraktura para sa Kapayapaan at Seguridad” (TIKAS) program.
Roy Tomandao
Si Roy Tumandao ay kasalukuyang pangulo ng Camp Vicente Lim Press Corps. Nagsimula siya sa larangan ng media noong 1992 at aktibo bilang photo journalist at news correspondent para sa iba’t ibang tabloid. Broadcaster siya ng DZJV 1458 Radyo Calabarzon.
