BATANGAS CITY. Labing-apat na katao ang nasawi sa isang landslide na naganap sa Talisay, Batangas, dulot ng pananalasa ng bagyong Kristine.
Ayon kay Police Lieutenant Colonel Chitadel Gaoiran, tagapagsalita ng PRO4A, naganap ang landslide sa Barangay Sampaloc noong Huwebes ng gabi, Oktubre 24. “Walong bangkay ang unang natagpuan,” pahayag ni Gaoiran, at lima sa mga nasawi ay mga menor de edad.
Sa kasalukuyan, nagpapatuloy ang search and retrieval operations sa lugar upang hanapin ang iba pang posibleng biktima.
Arman B. Cambe
Si Arman B. Cambe ay naging ABS-CBN news correspondent noong 1987-1989. Naging provincial correspondent ng Headline news, isang national daily tabloid at 10 taong naging Laguna broadcast correspondent ng Radio Veritas. Contributor din siya sa loob ng 5 taon sa Peoples Journal group of companies. Naging Professor ng Journalism at Broadcasting ng 15 taon sa Laguna State Polytechnic University, Sta. Cruz Campus at 5 taon na naging Teacher exchange scholar sa Don Bosco at St. Dominic Institute sa Bangkok, Thailand.
