Calamba City, Laguna. Kalaboso ang dalawang suspek at nakumpiska ang Php71K nahalaga ng hinihinalang shabu sa ikinasang drug bust operation ng Calamba City Police Station (CPS) kahapon.
Kinilala ni.Kinilala ang mga suspek na sina Roberto Caayao Flogera Jr. alias Rj, at Dennis Javier Matanguihan alias Bilog pawang mga residente ng Calamba City Laguna, ayon sa report ni PLt. Col. Alexy E. Sonido, hepe ng Calamba CPS kay Police Colonel Randy Glenn G Silvio, Officer-In-Charge, Laguna Provincial Police Office.
Ayon sa Calamba City Police Nasakote ang akusado ganap na 8:35 Oktubre 3, 2022 ng gabi sa Brgy. Parian, Calamba City, Laguna, matapos matagumpay na makabili sa mga suspek ng ilegal na droga ang mga awtoridad na nagpanggap na poseur buyer kapalit ang buy bust money.
Nakumpiska naman sa mga suspek ang 10.5 gram ng hinihinalang shabu na nagkakahalaga ng Php 71,400.00.
Kasalukuyang nasa kustodiya ng Calamba CPS ang mga inarestong suspek at nakatakdang humarap sa mga kasong may kinalaman sa pagbebenta ng iligal na droga.
“Gusto ko lamang pong ipabatid sa mga mamamayan ng Laguna na hindi po tumitigil ang Laguna PNP sa pagsasagawa ng mga operasyon kontra iligal na droga,” ayon kay Silvio.
Kevin Pamatmat
Si Kevin Pamatmat ay miyembro ng Camp Vicente Lim Press Corps. Nagsimula siya sa larangan ng pamamahayag bilang photojournalist at news correspondent noong 2004. Broadcaster din siya sa DZJV 1458 Radyo Calabarzon at Balita Ngayon Online News.
