MAYNILA — Inaasahan ng Philippine Ports Authority na aabot sa 4.6 milyon ang pasahero sa mga pantalan sa buong bansa mula ngayong araw hanggang Enero 5, 2026, dahil sa holiday travel rush ngayong Kapaskuhan at Bagong Taon, ayon sa PPA General Manager na si Jay Santiago sa ginanap na Kapihan sa Pantalan. Inatasan na niya ang mga pantalan na tiyaking maayos ang serbisyo at komportable ang kalagayan ng mga biyahero, at mas mahigpit ang seguridad sa ilalim ng heightened alert status para tugunan ang inaasahang pagdagsa ng mga pasahero.
Kasabay nito, mataas din ang inaasahang traffic sa Ninoy Aquino International Airport (NAIA) dahil sa holiday travel surge para sa domestic at international flights. Ayon sa datos ng Manila International Airport Authority, patuloy ang pagtaas ng passenger volume sa NAIA at tinatayang lalampas sa rekord nitong mga nakaraang taon, na may daan-daang libong biyahero ngayong Disyembre, dahil maraming turista at OFWs ang uuwi o babalik sa ibang bansa para sa Pasko at New Year. Dati nang nagtala ng mahigit na 50 milyong pasahero sa buong taon ng 2024 na mas mataas kaysa sa pre-pandemic levels, at patuloy ang paglago ngayong 2025.
Upang makatugon sa dami ng pasahero sa NAIA, ang mga pangunahing airline at airport authorities ay naglabas ng peak travel advisories, gaya ng paalala ng Cebu Pacific na dumating ng maaga sa airport, at minimum na tatlong oras bago ang departure para sa domestic flights at apat na oras para sa international flights dahil sa mas mabigat na trapiko at mas mahabang pila sa check-in at immigration counters.
Pinaalalahanan din ng mga airline ang mga pasahero na i-check ang terminal assignments, mag-online check-in kung maaari, at maghanda para sa mas mataas na passenger loads sa NAIA terminals ngayong peak season para maiwasan ang pagkaantala sa flight procedures.
Sa pantalan, inuuna rin ng PPA ang pag-aayos ng ilang pasilidad na naapektuhan ng nagdaang bagyo at ang mas pinaigting na seguridad sa mga major ports tulad ng Manila, Batangas, Iloilo, Mindoro at Davao upang masiguro ang ligtas at maayos na biyahe ng mga pasahero ngayong holiday season.
Si Venus L Peñaflor ay naging editor-in-chief ng Newsworld, isang lokal na pahayagan ng Laguna. Publisher din siya ng Daystar Gazette at Tutubi News Magazine. Siya ay isa ring pintor at doll face designer ng Ninay Dolls, ang unang Manikang Pilipino. Kasali siya sa DesignCrowd sa rank na #305 sa 640,000 graphic designers sa buong daigdig. Kasama din siya sa unang Local TV Broadcast sa Laguna na Beyond Manila. Aktibong kasapi siya ng San Pablo Jaycees Senate bilang isang JCI Senator.
- Venus L Peñaflor
- Venus L Peñaflor
- Venus L Peñaflor
- Venus L Peñaflor
