Tuloy na ang pag angkat ng 440,000 metriko tonelada ng refined sugar para sa pagkonsumo at buffer stock.
Ito ang sinabi sa dokumentong inilathala ng Sugar Regulatory Administration (SRA) website, Sugar Order (SO) No. 6, na inilabas noong Pebrero 15 at pirmado ni Administrator David John Thaddeus Alba, SRA board members Mitzi Mangwag (kumakatawan sa millers) at Pablo Luiz Azcona (kumakatawan sa planters), at Agriculture Senior Undersecretary Domingo Panganiban.
“Malacañang sent the order back,” ayon kay Azcona sa isang panayam at sinabing “as far as I know once Malacañang returns it to us, it is considered approved.”
Ang Pangulo bilang concurrent agriculture chief, ay chairman ng sugar board.
HIndi malinaw kung lumagda si Panganiban sa kautusan “on behalf of the president.”
Base sa SO, 200,000 MT, ang imported na asukal ay para sa mga consumers o mamimili at ang 240,000 MT naman ay magsisilbi bilang two-month buffer stock.
Ang supply ay darating sa bansa ng tatlong tranche, kung saan ang unang 100,000 MT ay inaasahan na darating sa lalong madaling panahon, ang susunod na 100,000 MT ay darating bago sumapit ang buwa ng Abril 1, at ang batch para sa buffer stock matapos makarating ang second tranche.
Tinuran ni Azcona na iginiit ng mga economic adviser na ang first batch ay darating sa lalong madaling panahon upang tapusin ang espekulasyon sa kakapusan sa suplay ng asukal.
“What is going on right now is there is just an urgent need to temper the retail prices for the consumers, at the same time ensuring that the farmers get a very fair price,” ayon sa kanyang paliwanag.
Batay sa pinakabagong price monitoring ng Department of Agriculture (DA) ang isang kilogram ng refined sugar sa mga Metro Manila market ay nagkakahalaga ng ₱87 hanggang ₱110.
Winika ni Azcona na tinitingnan ng SRA ang retail price na ₱85 sa oras na ang imported commodity ay nasa merkado na.
Mangyayari lamang ito matapos na ang imported supply, sa simula ay classified bilang “C,” o” reserved upon its arrival”, ay ire- reclassify ng sugar board bilang “B” para sa consumer use.
“Meanwhile, the 240,000 MT will remain as buffer stock and will only be released once the inventory and everything are deemed proper,” ayon kay Azcona.
Para sa crop year 2022-2023, tinuran ni Azcona na ang pagtataya ng SRA sa produksyon ay 1.8 million MT, bahagyang mataas sa nakalipas na taon na 1.79 million MT lamang.
Gayunman, mababa naman ito mula sa initial projection 1.9 million dahil sa madalas na pag ulan na nakakaapekto sa mga pananim na tubo.
Ipinunto din nito ang concern ng SRA na ang 200,000 hanggang 250,000 tonenalada ng tubo ay maaaring “unmilled” ngayong taon matapos magsara ang milling facility sa Batangas.
Gary P Hernal started college at UP Diliman and received his BA in Economics from San Sebastian College, Manila, and Masters in Information Systems Management from Keller Graduate School of Management of DeVry University in Oak Brook, IL. He has 25 years of copy editing and management experience at Thomson West, a subsidiary of Thomson Reuters.
