Cabuyao, Laguna. Pinaslang matapos pagnakawan ang isang 66 anyos na babae sa Brgy. Mamatis, lungsod na ito.
Ayon sa ulat ng pulisya, nakilala ang biktima na si Angelina Cruz Villarico, negosyante, residente ng nabangit na lugar.
Ganap na ikawalo ng umaga noong Biyernes, nakita ng 14 anyos na ang labi ng kanyang ina na naliligo sa sariling dugo sa loob ng kanilang bahay.
Nagtamo ng mga saksak sa iba’t ibang bahagi ng kanyang katawan ang biktima na naging sanhi ng kanyang pagkamatay.
Ayon sa paunang imbestigasyon, pagnanakaw ang naging motibo sapagkat nawawala ang mamahaling cellphone ng biktima.
Ang biktima ay lumaban pa batay sa mga marka ng galos sa kanyang mga kamay at braso, batay pa rin sa isinasagawang pagsisiyasat.
Patuloy na kinikilala at tinutugis ng pulisya ang suspek sa krimen ng pagpatay.
Kevin Pamatmat
Si Kevin Pamatmat ay miyembro ng Camp Vicente Lim Press Corps. Nagsimula siya sa larangan ng pamamahayag bilang photojournalist at news correspondent noong 2004. Broadcaster din siya sa DZJV 1458 Radyo Calabarzon at Balita Ngayon Online News.
