Pinipili ang mga natatanging kawani ng lokal na pamahalaan tuwing sasapit ang buwan ng Setyembre sa pagdiriwang ng Buwan ng Serbisyo Sibil.
Sa aking pagkakaalam ay may komitiba na nagsasagawa ng pagpili matapos mairekomenda ng iba’t ibang lokal ang mga kawani na sa kanilang paniniwala ay nararapat kilalanin ang katangi-tanging paggampan sa tungkuling tangan.
Ang mga kawaning ito ay nakitaan ng katapatan, kasipagan, kahusayan at labis na dedikasyon sa mandatong sinumpaan. Naging saksi ang taumbayan at mga kasamahan sa trabaho upang mailagak sa pedestal ng mga huwarang lingkod bayan ng Lunsod ng San Pablo.
Ngayon pa lang ay binabati na natin ang mga ito at nawa’y dumami pa ang tribo nila.
Sandy Belarmino
Si Sandy Belarmino ay 17 taon ng naglilingkod sa larangan ng pamamahayag. Naging broadcaster siya sa radyo at local TV. Media correspondent din sya at columnist sa iba’t ibang dyaryo ng lokal sa San Pablo City. Si Sandy ay kasalukuyang pangulo ng Seven Lakes Press Corps.
