Sta. Cruz, Laguna. Arestado ang Rank no. 1 Provincial Level Most Wanted Person sa ilalim ng manhunt operation na ikinasa ng Lumban Municipal Police Station (MPS) kahapon Brgy. San Jose, Calamba City, Laguna sa bisa ng warrant of arrest.
Kinilala ni Police Colonel Randy Glenn G Silvio, Officer-In-Charge, Laguna PPO ang akusado na si John Ricky Abiog.
Ang akusado, na ilang buwan ng pinaghahanap ng batas ay nahaharap sa kasong murder na isinampa noong Marso 23, 2022 na walang nirerekomendang pyansa na inissue ng Regional Trial Court Branch 25, Biñan City, Laguna.
Kasalukuyang nasa pangangalaga ng Lumban MPS ang akusado inaabisuhan ang korte hinggil sa pagkakadakip sa kanya.
“Akin pong ikinararangal ang mga personnel na ito ng Laguna PNP para sa kanilang hindi matatawarang dedikasyon sa pag ganap sa kanilang mga sinumpaang tungkulin upang tugisin at panagutin ang mga taong nagtatago sa batas,” ayon sa mensahe ni Silvio.
Roy Tomandao
Si Roy Tumandao ay kasalukuyang pangulo ng Camp Vicente Lim Press Corps. Nagsimula siya sa larangan ng media noong 1992 at aktibo bilang photo journalist at news correspondent para sa iba’t ibang tabloid. Broadcaster siya ng DZJV 1458 Radyo Calabarzon.
