Binigyang diin ng Department of Agriculture (DA) ang kanilang pakiusap para sa responsableng pagkonsumo ng bigas sa kick-off ceremony ng National Rice Awareness Month noong Nobyembre 3, 2022 sa Liwasang Aurora sa Quezon City Memorial Circle.
Pinangunahan ni Agriculture Undersecretary for Administration and Finance Jane C. Bacayo kasama ang iba pang opisyal ng DA ang kick-off ceremony, na inorganisa ng Philippine Rice Research Institute (DA-PhilRice).
Alinsunod sa Presidential Proclamation No. 524 Series of 2004, ang National Rice Awareness Month ay ipinagdiriwang tuwing Nobyembre upang itaas ang kamalayan ng publiko sa bigas, labanan ang malnutrisyon at kahirapan, at makamit ang rice self-sufficiency.
Bilang highlight sa kaganapan ay inilunsad ang adbokasiya na “Be RICEponsible” bilang opisyal na tema ng NRAM at ang pagpapakilala ng A-Ba-Ka-Da campaign nito, na isinalin sa:
- A – Adlay, mais, saba, atbp. ay ihalo sa kanin (Ihalo ang bigas sa ibang staples gaya ng adlai, saba, mais, atbp.)
- B – Brown Rice ay kainin
- K – Kanin ay huwag ay sayangin
- D – Dapat bigas ng Pilipinas ang bilhin
Alinsunod sa isang buwang pagdiriwang ng NRAM, hinihikayat ang mga empleyado at stakeholder ng gobyerno na bigkasin ang “Panatang Makapalay” sa kanilang mga flag ceremony. Samantala, ang mga cafeteria sa opisina ay hinihimok na maghain ng kalahating tasa ng kanin at iba pang mas malusog na uri ng bigas, kabilang ang brown rice, bilang suporta sa adbokasiya.
Sa loob ng maraming taon, isinusulong ng Kagawaran ang pagkonsumo ng brown rice dahil sa nutritional value nito. Kung ikukumpara sa puting bigas, naglalaman ito ng mas maraming hibla, mineral, at bitamina, partikular na ang mga bitamina B, at may mas mababang glycemic index.
Si Venus L Peñaflor ay naging editor-in-chief ng Newsworld, isang lokal na pahayagan ng Laguna. Publisher din siya ng Daystar Gazette at Tutubi News Magazine. Siya ay isa ring pintor at doll face designer ng Ninay Dolls, ang unang Manikang Pilipino. Kasali siya sa DesignCrowd sa rank na #305 sa 640,000 graphic designers sa buong daigdig. Kasama din siya sa unang Local TV Broadcast sa Laguna na Beyond Manila. Aktibong kasapi siya ng San Pablo Jaycees Senate bilang isang JCI Senator.
