Unang ipinakilala sa mga Pilipino ng mga Espanyol ang mga fiesta noong kalagitnaan ng 1500s. Ang mga katutubo noon ay sumasamba sa maraming diyos at nagkaroon ng kani-kanilang mga kultura at tradisyon. Bilang bahagi ng kanilang estratehiya upang masakop ang Pilipinas, ipinakilala ng mga Kastila ang Kristiyanismo, nagtalaga ng mga patron sa bawat bayan at hinimok ang mga lokal na magbalik-loob at dumalo sa mga fiesta upang maligtas sa kasamaan.
Sa ngayon, bukod sa paggunita sa mga araw ng kapistahan ng mga patron, ang mga cultural exhibitions ay sabay-sabay na idinaraos upang isulong ang mga lokal na produkto at para parangalan ang kasaysayan ng bayan.
Ang mga pagdiriwang sa Pilipinas ay karaniwang binubuksan ng fireworks: isang parada ng mga street dancers na may makukulay na kasuotan at props na lahat ay gawa sa mga katutubo o recycled na materyales, saliw ng banda, isang friendly competition ng pinakamahusay na pinalamutian na mga bahay, isang misa bilang parangal sa patron ng ang bayan, at isang malaking piging para sa lahat. Nagtatampok din ang bawat festival ng isang hanay ng mga aktibidad, tulad ng sports fest, beauty pageant, cultural show at performances. Ang bawat pagdiriwang ay may natatanging tema na tumutukoy sa ‘flavor’ ng pagdiriwang.
Maraming pagdiriwang sa buong Pilipinas sa lahat ng oras ng taon. Ang Coconut Festival sa San Pablo City ay isa sa pinakatanyag na pagdiriwang sa Calabarzon at isang malakas na kandidato bilang isang national tourism event.
Ang Coco Fest ay isang linggong pagdiriwang sa San Pablo City, Laguna, bilang parangal sa patron na si Saint Paul the First Hermit. Ito ay ginaganap tuwing Enero 10 hanggang 15. Sinimulan ang selebrasyon na ito noong noong 1996. Ang pagdiriwang ay binubuo ng street dancing, float parade, beer plaza at mga konsyerto sa kalye, mga programa sa entablado sa plaza gabi-gabi bago ang pista ng lungsod at ilang iba pang mahahalagang kaganapan. Ngayong taon ay ilan lang ang Coco Cook Fest, CocoArt painting contest at Coco Zumba sa maraming activities na may kinalaman sa coconut.
Nakiisa ang Department of Trade and Industry-Laguna sa isang linggong piyesta. Mabibili sa mga fiesta booth ang iba’t ibang produktong handicarfts at food products sa reasonable na halaga.
Kilala rin bilang Coco Fest, nagbibigay ito ng mas maraming kulay sa city fiesta na ginaganap tuwing ika-15 ng Enero. Nakakaakit ito ng mga tao sa mga kalapit na bayan at mga turista pati na rin ang lokal at pambansang media. Pinapalakas nito ang kultura at tradisyon ng San Pableños.
Ang festival na ito ay nakakuha ng citation mula sa Association of tourism Officers of the Philippines (ATOP) at Department of Tourism (DOT) bilang pinakamahusay na Tourism Event para sa Festival Category City Level para sa Calendar Year 2010-2011-2012-2013 (PIA) na naglagay San Pablo City, isang tourist destination.
Nakakuha na rin ng “Pearl Award” ang “Coconut Festival” noong 2013 bilang Hall of Famer sa 14th National Convention ng Department of Tourism (DOT)–Association of Tourism Officers of the Philippines (ATOP) na ginanap sa Legazpi City, Albay.
Tatlong taon na hindi naipagdiwang ng bongga ang Coco Fest dahil sa Covid-19. Ngayong 2023, sa kumpas ni San Pablo City Mayor Vicente B. Amante ay babawiin ang tatlong taon ng pananabik sa makulay at masiglang piyestang San Pablo.
Tara ng mamiyesta! Mag jacket ka, maginaw sa San Pablo.
Mabuhay ang San Pablo. Mabuhay sa habang panahon!
Si Venus L Peñaflor ay naging editor-in-chief ng Newsworld, isang lokal na pahayagan ng Laguna. Publisher din siya ng Daystar Gazette at Tutubi News Magazine. Siya ay isa ring pintor at doll face designer ng Ninay Dolls, ang unang Manikang Pilipino. Kasali siya sa DesignCrowd sa rank na #305 sa 640,000 graphic designers sa buong daigdig. Kasama din siya sa unang Local TV Broadcast sa Laguna na Beyond Manila. Aktibong kasapi siya ng San Pablo Jaycees Senate bilang isang JCI Senator.
