Nakauwi na sa bansa ang grupo ng pitong indibidwal Lebanon, kabilang ang anim na Filipino at isang Filipino-Lebanese, sa gitna ng patuloy na tensyon sa nasabing bansa.
Noong Sabado, Nobyembre 4, sila ay sinalubong ng mga tauhan mula sa Overseas Workers Welfare Administration (OWWA) sa kanilang pagdating sa Ninoy Aquino International Airport (NAIA).
Ayon sa isa sa mga Filipino na dumating mula Lebanon, nagdulot ng matinding pangamba sa kanila ang kabi-kabilang putok ng bomba na maririnig sa kanilang lugar. Dahil dito, kinailangan na rin umano nilang itigil ang pag-aaral ng kanilang mga anak dahil sa patuloy na kaguluhan sa kanilang pook.
Ang lumalalang tensyon sa southern Lebanon ay dulot ng girian sa pagitan ng Israel at ng militanteng grupo na Hezbollah, na umano’y kakampi ng grupong Hamas. Patuloy ang pagsusuri at pag-aaral ng sitwasyon sa Lebanon, at ang mga pamilyang ito ay nagsiuwi upang maging ligtas.
Samantala, inaasikaso ng pamahalaan ang mga Pilipinong manggagawa mula sa Lebanon at nagbibigay ng tulong upang matiyak ang kanilang kaligtasan. Patuloy din ang koordinasyon sa iba’t ibang ahensya upang magbigay ng suporta at serbisyong pang-emergency sa kanilang mga pangangailangan.
Si Venus L Peñaflor ay naging editor-in-chief ng Newsworld, isang lokal na pahayagan ng Laguna. Publisher din siya ng Daystar Gazette at Tutubi News Magazine. Siya ay isa ring pintor at doll face designer ng Ninay Dolls, ang unang Manikang Pilipino. Kasali siya sa DesignCrowd sa rank na #305 sa 640,000 graphic designers sa buong daigdig. Kasama din siya sa unang Local TV Broadcast sa Laguna na Beyond Manila. Aktibong kasapi siya ng San Pablo Jaycees Senate bilang isang JCI Senator.
