MAYNILA. Sinita ni Makabayan solon ACT Teachers Party-list Rep. France Castro ang direktiba ng Malacañang na nag-uutos sa lahat ng ahensya ng gobyerno at mga state universities and colleges (SUC) na i-recite ang “Bagong Pilipinas Hymn and Pledge” tuwing lingguhang flag ceremonies.
Si Castro, isang House deputy minority leader, ay tumutukoy sa Memorandum Circular (MC) No. 52 na inisyu ni Pangulong Marcos Jr. Aniya, ang utos ay tila isang pagtatangka na ma-indoctrinate ang tauhan ng gobyerno at mga kabataan gamit ang self-styled na “Bagong Pilipinas” branding ng administrasyong Marcos, na nagpapaalala sa propaganda ng “Bagong Lipunan” noong martial law period.
“Ang utos niya (Marcos Jr.) ay nagpapaalala sa direktiba ni Marcos Sr. noon para sa mga tao na kumanta ng papuri sa Bagong Lipunan,” sabi ng solon.
“Isa pang paraan para ma-deodorize ang tatak ng pangalang Marcos at baguhin ang kasaysayan. Dapat ay manatili na lang tayo sa Lupang Hinirang at Panatang Makabayan,” dagdag ni Castro, na inilarawan ang MC No.52 bilang “self-serving”.
Ang kontrobersyal na utos–na sinabi ni Castro na dapat nang ipawalang-bisa–ay nagsasaad ng dapat na “higit pang itanim ang mga prinsipyo ng Bagong Pilipinas na tatak ng pamamahala at pamumuno sa mga Pilipino”
Itinanggi ito ng militanteng solon bilang isang “gimik”, at kasabay nito ay itinuring na mas mabuting tugunan ng administrasyong Marcos ang patuloy na isyu ng inflation, kawalan ng trabaho, at mababang sahod.
Si Venus L Peñaflor ay naging editor-in-chief ng Newsworld, isang lokal na pahayagan ng Laguna. Publisher din siya ng Daystar Gazette at Tutubi News Magazine. Siya ay isa ring pintor at doll face designer ng Ninay Dolls, ang unang Manikang Pilipino. Kasali siya sa DesignCrowd sa rank na #305 sa 640,000 graphic designers sa buong daigdig. Kasama din siya sa unang Local TV Broadcast sa Laguna na Beyond Manila. Aktibong kasapi siya ng San Pablo Jaycees Senate bilang isang JCI Senator.
