MAYNILA. Tatanggap ng P20 milyon na cash reward si Carlos Edriel Yulo, ang double Olympic gold medalist sa gymnastics, bilang pagkilala sa kanyang tagumpay sa Paris Olympic 2024. Ang premyo ay kinumpirma ni PAGCOR Chairman Alejandro Tengco sa isang pagdinig sa House Committee on Appropriations nitong Martes. Ipinahayag ni Tengco na ang nasabing premyo ay tax-free.
Ayon kay Tengco, “As provided by law, for the gold medalists, Pagcor is mandated to give an athlete who wins a gold P10 million. So since he has two golds, Mr. Yulo will have P20 million. I have not announced this in public, so this is the first time.”
Hindi pa alam ni Yulo ang karagdagang cash reward na naghihintay sa kanya sa kanyang pag-uwi mula sa matagumpay na pagwawagi sa floor exercise final at vault final sa Paris Olympic, kung saan nakamit niya ang dobleng gintong medalya.
Samantala, ang coach at trainer ni Yulo ay tatanggap din ng tig-P5 milyon o kabuuang P10 milyon. Ang mga atleta na makakakuha ng silver medal ay tatanggap ng P5 milyon, habang ang bronze medalists ay makakakuha ng P2 milyon. Makikinabang din ang kanilang mga coaches at trainers.
Si Carlos Yulo ang kauna-unahang Pilipino na nakamit ang dobleng gintong medalya sa gymnastics, isang larangan na karaniwang dominado ng mga kilalang bansa tulad ng Estados Unidos at mga bansa sa Europa. Ang kanyang tagumpay ay nagpapakita ng pambihirang kakayahan ng mga Pilipino sa internasyonal na entablado.
Paraluman P. Funtanilla
Paraluman P. Funtanilla is Tutubi News Magazine's Marketing Specialist and is a Contributing Editor. She finished her degree in Communication Arts in De La Salle Lipa. She has worked as a Digital Marketer for start-up businesses and small business spaces for the past two years. She has earned certificates from Coursera on Brand Management: Aligning Business Brand and Behavior and Viral Marketing and How to Craft Contagious Content. She also worked with Asia Express Romania TV Show.
