MAYNILA. Naghihintay ang isang grandeng parangal kay Carlos Yulo, ang 2-time gold medalist ng 2024 Paris Olympics, mula kay Pangulong Ferdinand Marcos Jr. Ayon sa Presidential Communications Office (PCO), inaasahan na ang mga Filipino Olympians, kabilang si Yulo, ay bibisita sa Malacañang sa Martes, August 13.
Sa pahayag ng PCO, ang mga Olympians ay darating sa Martes ng hapon at sasalubungin ng kanilang pamilya sa Villamor Airbase. Mula dito, agad silang pupunta sa Philippine International Convention Center (PICC), kung saan sila ay tatanggap ng mainit na pagtanggap mula sa mga opisyal ng gobyerno. Susundan ito ng isang heroes’ parade sa mga pangunahing lugar sa Maynila, na magtatapos sa Palasyo.
Sasalubungin din sila ni Pangulong Marcos kasama si First Lady Liza Araneta-Marcos at ang First Family. Mayroon ding programa kung saan personal na bibigyan ng parangal ng Pangulo ang mga atleta at ang kanilang mga insentibo bilang pagkilala sa kanilang hindi matatawarang kontribusyon sa Philippine sports at sa kanilang outstanding na performance sa 2024 Paris Olympics.
Bukod kay Yulo, mag-uuwi rin ng bronze medal sina Aira Villegas at Nesthy Petecio. Ang makasaysayang okasyong ito ay magbibigay-diin sa tagumpay ng ating mga atleta sa pandaigdigang entablado.
Carlo Juancho FuntanillaFrontend Developer, WordPress, Shopify
Contributing Editor
AMA ACLC San Pablo
