MAYNILA. Na-detain sa California si dating Police Colonel Royina Garma matapos ma-flag dahil sa kanseladong visa, ayon sa mga opisyal ng pamahalaan nitong Martes.
Batay sa mga ulat mula sa Philippine National Police (PNP) at Department of the Interior and Local Government (DILG), kinumpirma ng Department of Justice (DOJ) na si Garma at ang kanyang anak ay na-flag ng mga awtoridad sa San Francisco noong Nobyembre 7.
Ayon sa DOJ, inatasan ni Justice Secretary Jesus Crispin Remulla si Immigration Commissioner Joel Viado na asikasuhin ang pagbabalik ni Garma sa Pilipinas. “It is fervently hoped that despite the lifting of her contempt order by Congress, and due to the pending investigations on the matters arising from the congressional hearings, she will still be willing to cooperate and collaborate with the Philippine Government,” pahayag ng DOJ.
Sa isang press briefing, sinabi ni Interior Secretary Jonvic Remulla na si Garma at ang kanyang anak ay na-flag dahil sa kanselasyon ng kanilang visa.
Patuloy ang imbestigasyon ng mga ahensya ng gobyerno kaugnay ng mga isyu na lumitaw sa mga nakaraang pagdinig sa Kongreso, kung saan inaasahang makikipagtulungan si Garma sa pamahalaan sa mga usaping ito.
Photo credit: Rappler
Si Venus L Peñaflor ay naging editor-in-chief ng Newsworld, isang lokal na pahayagan ng Laguna. Publisher din siya ng Daystar Gazette at Tutubi News Magazine. Siya ay isa ring pintor at doll face designer ng Ninay Dolls, ang unang Manikang Pilipino. Kasali siya sa DesignCrowd sa rank na #305 sa 640,000 graphic designers sa buong daigdig. Kasama din siya sa unang Local TV Broadcast sa Laguna na Beyond Manila. Aktibong kasapi siya ng San Pablo Jaycees Senate bilang isang JCI Senator.
