MAYNILA. Nagdulot ng matinding pagbaha at pagguho ng lupa ang malakas na ulan bago ang Pasko sa ilang bahagi ng Luzon at Visayas, na nagresulta sa paglikas ng daan-daang pamilya at pagkasira ng maraming tahanan.
Sa Dalaguete, Cebu, isang landslide ang humarang sa mga pangunahing kalsada, habang nalubog sa baha ang maraming tahanan sa mga lalawigan ng Eastern Samar, Northern Samar, Lopez, Quezon, at Oriental Mindoro.
Sa Oriental Mindoro, nagdeklara ng state of calamity ang lokal na pamahalaan ng Baco matapos maapektuhan ang halos lahat ng barangay sa nasabing lugar. Ayon sa ulat, daan-daang residente ang kinailangang lumikas at pansamantalang tumuloy sa mga evacuation center.
Samantala, isinagawa ang rescue operations sa Puerto Princesa, Palawan, kung saan maraming residente ang na-trap sa mga bubong ng kanilang mga tahanan dahil sa biglaang pagbaha. Sa Mountain Province, nawalan ng kuryente ang ilang lugar matapos matabunan ng landslide ang mga poste at linya ng kuryente.
Patuloy naman ang mga relief at rescue efforts sa mga apektadong komunidad sa pangunguna ng mga lokal na pamahalaan at mga ahensya ng gobyerno. Ang mga pamilya ay binibigyan ng pagkain, malinis na tubig, at iba pang pangangailangan upang matugunan ang kanilang kalagayan ngayong panahon ng Pasko.
Bagamat sinubok ng kalamidad ang mga apektadong lugar, nananatili ang pag-asa ng mga residente na makakabangon sila mula sa sakunang ito.
Si Venus L Peñaflor ay naging editor-in-chief ng Newsworld, isang lokal na pahayagan ng Laguna. Publisher din siya ng Daystar Gazette at Tutubi News Magazine. Siya ay isa ring pintor at doll face designer ng Ninay Dolls, ang unang Manikang Pilipino. Kasali siya sa DesignCrowd sa rank na #305 sa 640,000 graphic designers sa buong daigdig. Kasama din siya sa unang Local TV Broadcast sa Laguna na Beyond Manila. Aktibong kasapi siya ng San Pablo Jaycees Senate bilang isang JCI Senator.
Carlo Juancho FuntanillaFrontend Developer, WordPress, Shopify
Contributing Editor
AMA ACLC San Pablo
