MAYNILA. Mahigpit na ipinagbabawal ng Commission on Elections (Comelec) ang paglahok ng mga pulitiko sa pamamahagi ng ayuda sa panahon ng kampanya upang maiwasan ang paggamit ng mga aktibidad na ito sa pulitika.
Ayon kay Atty. John Paul Martin, Comelec officer sa Baguio, hindi rin dapat pahintulutang maipakita ang mga tarpaulin o anumang uri ng campaign materials ng mga pulitiko sa mga lugar kung saan ginaganap ang pamamahagi ng tulong mula sa gobyerno.
“Ang mga aktibidad na may kaugnayan sa pamimigay ng suporta mula sa gobyerno ay hindi dapat magamit para sa pagpapabango ng pangalan ng sinumang pulitiko,” ani Martin sa panayam ng Philippine News Agency noong Miyerkules.
DSWD May Exemption
Samantala, tiniyak naman ng Department of Social Welfare and Development-Cordillera Administrative Region (DSWD-CAR) na magpapatuloy ang kanilang mga programa sa pamamahagi ng ayuda matapos makakuha ng exemption mula sa Comelec.
Kabilang sa mga programang ito ang Pantawid Pamilyang Pilipino Program (4Ps), Sustainable Livelihood Program (SLP), Supplemental Feeding Program, PAMANA, Pag-Abot Program, Kapit Bisig Laban sa Kahirapan Comprehensive and Integrated Delivery of Social Services (KALAHI-CIDSS), Enhanced Partnership Against Hunger and Poverty (EPHAP), social pension, assistance to individuals in crisis situation (AICS), at Ayuda sa Kapos ang Kita Program (AKAP).
Dagdag pa rito, sinabi ni Maria Aplaten, director ng DSWD-CAR, na patuloy na gagampanan ng mga residential care facilities ng ahensya ang kanilang tungkulin. Kasama rito ang Regional Haven for Women and Girls, Reception and Study Center for Children (RSCC), at Regional Rehabilitation Center for the Youth (RRCY) upang matiyak na hindi maantala ang mga rehabilitasyon at serbisyong kanilang ibinibigay.
Ang hakbang na ito ng Comelec ay bahagi ng kanilang layunin na masigurong patas at malinis ang eleksyon sa bansa.
Carlo Juancho FuntanillaFrontend Developer, WordPress, Shopify
Contributing Editor
AMA ACLC San Pablo
- Carlo Juancho Funtanillahttps://tutubi.ph/author/carlojpf/
- Carlo Juancho Funtanillahttps://tutubi.ph/author/carlojpf/
- Carlo Juancho Funtanillahttps://tutubi.ph/author/carlojpf/
- Carlo Juancho Funtanillahttps://tutubi.ph/author/carlojpf/
