Inaasahang darating sa Enero sa susunod na taon ang Pfizer-BioNTech (Pfizer) vaccines para sa mga edad lima hanggang 11 taong gulang, ayon kay National Task Force Against Covid-19 Special Adviser Dr. Teodoro Herbosa.
Nakatakdang aprubahan ang emergency use authorization (EUA) para sa paggamit ng Pfizer vaccine sa 5 hanggang 11 taong gulang na mga bata samantalang ang aktwal na dosis para sa nabanggit na category ay bibilhin pa.
“We still have to wait for the actual dose and concentration that has to be procured. So, that will probably come by January,” ayon kay Herbosa noong dumating ang 871,650 doses ng Pfizer vaccine sa Ninoy Aquino International Airport (NAIA) Terminal 3 noong Huwebes.
“Our goal now is to catch up to the target of 54 million fully vaccinated. We are currently at 45 million fully vaccinated. We have six vaccination days left, and hopefully, we can achieve the remaining eight million in the six days,” dagdag pa ni Herbosa.
Sinabi din niya na ang mga pagsisikap sa pagbabakuna ay tataas sa Rehiyon 3 at 4-A (Calabarzon) upang mapunan ang mga pagkaantala sa mga lugar na apektado ng kamakailang pananalasa ng Bagyong Odette.
Nauna nang naglabas ang Food and Drug Administration (FDA) ng EUA para sa Pfizer vaccine at sinabing mataas na rate ng pagiging epektibo nito na mahigit na 90 porsiyento at “napaka banayad” na mga adverse effects nito.
Sinabi ni FDA Director-General Eric Domingo na mas mababa ang konsentrasyon ng Pfizer vaccine para sa lima hanggang 11 taong gulang na mga bata kumpara sa mga dosis ng nasa hustong gulang.
Si Venus L Peñaflor ay naging editor-in-chief ng Newsworld, isang lokal na pahayagan ng Laguna. Publisher din siya ng Daystar Gazette at Tutubi News Magazine. Siya ay isa ring pintor at doll face designer ng Ninay Dolls, ang unang Manikang Pilipino. Kasali siya sa DesignCrowd sa rank na #305 sa 640,000 graphic designers sa buong daigdig. Kasama din siya sa unang Local TV Broadcast sa Laguna na Beyond Manila. Aktibong kasapi siya ng San Pablo Jaycees Senate bilang isang JCI Senator.
