MAYNILA — Nilinaw ng Department of Health (DOH) na walang bagong virus na kumakalat sa bansa sa kabila ng mga ulat hinggil sa pagtaas ng mga kaso ng influenza at influenza-like illnesses (ILIs).
Ayon sa DOH, ang kamakailang pagsuspinde ng face-to-face classes ng Department of Education (DepEd) sa Metro Manila ay isang pag-iingat lamang at bahagi ng paghahanda sa lindol, hindi dahil sa isang bagong sakit.
Binigyang-diin ni DOH spokesperson Albert Domingo na ang dalawang araw na suspensyon ng klase ay isang “normal precaution” na kasabay ng mga aktibidad na may kaugnayan sa paghahanda para sa “The Big One,” isang malawakang earthquake scenario na pinagpaplanuhan at sinasanay ng iba’t ibang ahensya ng gobyerno.
Sinabi rin ni Domingo na nananatiling kabilang sa mga karaniwang sakit tuwing tag-ulan ang ILIs, ngunit batay sa pinakahuling datos ng DOH, bumaba ng 8 porsiyento ang bilang ng mga kaso kumpara noong nakaraang taon.
Dagdag pa ni Domingo, inaasahan ang bahagyang pagtaas ng mga mild flu cases tuwing panahon ng tag-ulan mula Hunyo hanggang Nobyembre, na siyang itinuturing na taunang flu season sa bansa.
Si Venus L Peñaflor ay naging editor-in-chief ng Newsworld, isang lokal na pahayagan ng Laguna. Publisher din siya ng Daystar Gazette at Tutubi News Magazine. Siya ay isa ring pintor at doll face designer ng Ninay Dolls, ang unang Manikang Pilipino. Kasali siya sa DesignCrowd sa rank na #305 sa 640,000 graphic designers sa buong daigdig. Kasama din siya sa unang Local TV Broadcast sa Laguna na Beyond Manila. Aktibong kasapi siya ng San Pablo Jaycees Senate bilang isang JCI Senator.
- Venus L Peñaflor
- Venus L Peñaflor
- Venus L Peñaflor
- Venus L Peñaflor
