Maynila — Inihayag ng Department of Health (DOH) na handa ang Pilipinas sa pagsasagawa ng pagsusuri at pagmamanman ng posibleng mga kaso ng Nipah virus kasunod ng mga iniulat na outbreak sa India at Bangladesh, bagama’t wala pang naidokumento o nakumpirmang kaso sa bansa.
Sa isang pahayag nitong Martes, sinabi ni Health Assistant Secretary Albert Domingo na hindi bago sa Pilipinas ang virus dahil noong 2014, naitala ang 17 na kaso ng Nipah virus sa Sultan Kudarat, na under monitoring ng DOH. Ayon sa kanya, ang mga sintomas ng Nipah virus ay maaaring magsimula tulad ng trangkaso, subalit maaaring humantong sa encephalitis o pamamaga ng utak at meningitis sa mga mas malalang kaso.
Ang Nipah virus ay isang zoonotic disease na karaniwang nanggagaling sa mga hayop, lalo na sa mga paniki, bagaman maaari ring maapektuhan ang mga baboy at kabayo, at bihirang maipasa sa tao. Walang tiyak na lunas o bakuna para sa virus kaya’t ang mga hakbang ng DOH ay nakatuon sa maagang pagtuklas at pagsubaybay.
Kasabay ng pagtaas ng alerto sa rehiyon dahil sa outbreak sa West Bengal, India, kung saan dalawang kumpirmadong kaso ng Nipah virus ang iniulat at mahigit 190 na kontak na na‑trace at minomonitor. Nanawagan ang mga health authorities sa publiko na manatiling kalmado at sumunod lamang sa mga opisyal na impormasyon.
Nagpapatuloy ang enhanced surveillance at laboratory testing sa Pilipinas sa ilalim ng programa ng DOH at ng Epidemiology Bureau upang masiguro ang agarang pagtugon sakaling may mga suspek na kaso. Hinihikayat din ang publiko na iwasan ang direktang pakikihalubilo sa mga ligaw na hayop, lalo na sa mga paniki, at siguraduhing maayos na nailuluto ang mga pagkain.
Ang DOH ay kabilang sa International Health Regulations (IHR) network ng World Health Organization (WHO), na nagbibigay daan sa mabilis na palitan ng impormasyon at koordinasyon sa mga internasyonal na health agencies.
Si Venus L Peñaflor ay naging editor-in-chief ng Newsworld, isang lokal na pahayagan ng Laguna. Publisher din siya ng Daystar Gazette at Tutubi News Magazine. Siya ay isa ring pintor at doll face designer ng Ninay Dolls, ang unang Manikang Pilipino. Kasali siya sa DesignCrowd sa rank na #305 sa 640,000 graphic designers sa buong daigdig. Kasama din siya sa unang Local TV Broadcast sa Laguna na Beyond Manila. Aktibong kasapi siya ng San Pablo Jaycees Senate bilang isang JCI Senator.
- Venus L Peñaflor
- Venus L Peñaflor
- Venus L Peñaflor
- Venus L Peñaflor
