Inilunsad ng GSIS kahapon, Marso 11, 2022 ang National Art Competition nito. Sa ika-17 taon nito, ang GSIS art contest ay itinuturing na isa sa pinakamalaki at pinakahihintay na visual art competition sa bansa.
Ang kompetisyon ay bukas sa lahat ng mga artists na Pilipino na hindi bababa sa 18 taong gulang (mula Mayo 2, 2022). Ang mga interesadong artist ay maaaring magsumite ng isang entry sa bawat isa sa mga sumusunod na kategorya: representational; nonrepresentational (o abstract), at outdoor o freestanding sculpture.
Upang isulong ang panibagong pag-asa at ang katatagan ng mga Pilipino sa “new normal,” ang tema ngayong taon para sa representasyonal na kategorya ay Pagsulong at Pag-asa sa Bagong Normal. Para sa iba pang dalawang kategorya, bukas ang tema upang maiwasan ang paghihigpit sa kasiningan at imahinasyon ng mga kalahok na artista.
Ang mga entry ay dapat na may petsa na hindi mas maaga kaysa sa 2022 at dapat ay orihinal na mga gawa ng mga kalahok na artist. Bilang karagdagan, hindi pa dapat naipapakita ito sa anumang art exhibit, o binago, o nanalo na ng premyo sa mga nakaraang kompetisyon.
Ang panahon ng pagsusumite ay mula Mayo 2 hanggang 7, 2022 mula 8:30 a.m. hanggang 4:00 p.m. lamang.
Naghihintay ang mga premyong cash sa mga magwawagi. Ang mga mananalo sa unang gantimpala sa lahat ng kategorya ay tatanggap ng P300,000 habang ang ikalawa at ikatlong gantimpala ay tatanggap ng P200,000 at P100,000, ayon sa pagkakasunod. Magkakaroon ng apat na honorable mention sa bawat kategorya na tatanggap ng tig-P25,000. Ang lahat ng mga premyo ay napapailalim sa 20% na buwis.
Noong nakaraang taon, nakatanggap ang GSIS ng record number of submissions sa 1,451 art entries.
Ang mga nanalong likhang sining ay magiging bahagi ng koleksyon ng sining ng GSIS at ipapakita sa GSIS Museo ng Sining sa Pasay City.
Ang mga opisyal ng Art Association of the Philippines (AAP)-ang umbrella organization ng mga art group sa bansa at matagal nang katuwang ng GSIS sa pagsasagawa ng art tilt at iba pang indibidwal na alagad ng sining na opisyal na tumulong sa patimpalak ay hindi pinapayagang sumali sa kompetisyon.
Para sa opisyal na entry forms, competition guidelines, at iba pang detalye, ang mga interesadong kalahok ay maaaring bumisita sa GSIS website www.gsis.gov.ph o sa GSIS Museo ng Sining Pahina ng Facebook; mag-email sa artcompetition@qsis.qov.ph o GSISartcompetition@gmail.com; o tumawag sa (02) 8859-0395 o (02) 8479-3588.
Link ng downloadable entry form a guidelines ng GSIS art contest 2022.
Si Venus L Peñaflor ay naging editor-in-chief ng Newsworld, isang lokal na pahayagan ng Laguna. Publisher din siya ng Daystar Gazette at Tutubi News Magazine. Siya ay isa ring pintor at doll face designer ng Ninay Dolls, ang unang Manikang Pilipino. Kasali siya sa DesignCrowd sa rank na #305 sa 640,000 graphic designers sa buong daigdig. Kasama din siya sa unang Local TV Broadcast sa Laguna na Beyond Manila. Aktibong kasapi siya ng San Pablo Jaycees Senate bilang isang JCI Senator.
