MAYNILA — Ang Tropical Storm Ada ay patuloy na gumagalaw nang mabagal papuntang north northwest habang nasa Philippine Sea, sa silangan ng Eastern Visayas, habang 15 lugar ang nananatiling nasa ilalim ng Signal No. 1, ayon sa pinakabagong Tropical Cyclone Bulletin ng PAGASA.
Ang sentro ng Tropical Storm Ada ay tinatayang nasa 370 kilometro silangan ng Surigao City, Surigao del Norte o 430 kilometro silangan ng Maasin City, Southern Leyte, na may maximum sustained winds na 65 kilometro kada oras malapit sa sentro, may gusts na umaabot hanggang 80 km/h, at central pressure na 998 hPa.
Ayon sa PAGASA, ang bagyo ay mabagal na gumagalaw papuntang north northwest, na may malalakas hanggang gale-force na hangin na umaabot nang hanggang 400 kilometro mula sa sentro.
Nanatili ang Tropical Cyclone Wind Signal (TCWS) No. 1 sa mga sumusunod na lugar: sa Luzon, ang silangang bahagi ng Camarines Norte (Mercedes, Basud, San Lorenzo Ruiz, San Vicente, Daet, Talisay, Vinzons), Camarines Sur, Catanduanes, Albay, Sorsogon, at silangang bahagi ng mainland Masbate (Pio V. Corpuz, Cataingan, Palanas, Dimasalang, Uson, Mobo, City of Masbate, Baleno, Aroroy) kabilang ang Ticao at Burias Islands; sa Visayas, Northern Samar, Samar, Eastern Samar, Biliran, hilaga at gitnang bahagi ng Leyte (Carigara, Barugo, San Miguel, Babatngon, Tacloban City, Tunga, Jaro, Alangalang, Santa Fe, Palo, Dagami, Pastrana, Tanauan, Tabontabon, Julita, Dulag, Tolosa, La Paz, Mayorga, Macarthur, Javier, Abuyog, Mahaplag, Kananga, Capoocan, Leyte, Calubian, San Isidro, Tabango, Burauen, Ormoc City, Matag-Ob, Villaba, Albuera, Palompon, Merida, Isabel, City of Baybay), at silangang bahagi ng Southern Leyte (Silago, Sogod, Libagon, Saint Bernard, Hinunangan, Hinundayan, Anahawan, San Juan, Liloan, San Ricardo, San Francisco, Pintuyan); sa Mindanao, Dinagat Islands, Surigao del Norte, at Surigao del Sur.
Tinatayang ang mabigat na pag-ulan ay aabot mula 100 hanggang 200 mm sa Northern Samar at Eastern Samar, at 50 hanggang 100 mm naman sa Catanduanes, Sorsogon, Samar, Biliran, Leyte, Southern Leyte, Dinagat Islands, Surigao del Norte, at Agusan del Norte.
Magdudulot din ang Northeast Monsoon at periphery ni Ada ng malalakas hanggang gale-force na hangin sa Batanes, Babuyan Islands, Ilocos Norte, silangang Isabela, Aurora, CALABARZON, Occidental Mindoro, Oriental Mindoro, Romblon, Marinduque, Cuyo Islands, Bicol Region, Visayas, at Caraga, lalo na sa mga baybaying dagat at upland areas na direktang tinatamaan ng hangin.
Sa mga baybaying tubig, inaasahang magkakaroon ng rough seas hanggang 4.0 metro sa hilaga at silangang baybaying dagat ng Catanduanes at Northern Samar, silangang baybaying dagat ng Albay, Sorsogon, at Eastern Samar, hilagang baybaying dagat ng Camarines Sur, at baybaying dagat ng Camarines Norte. Aabot naman sa 3.5 metro ang alon sa hilaga at silangang baybaying dagat ng Siargao-Bucas Grande at Polillo Islands, silangang baybaying dagat ng Dinagat Islands at Surigao del Sur, at baybaying dagat ng Aurora at hilagang mainland Quezon, habang aabot sa 3.0 metro sa baybaying dagat ng Isabela at silangang baybaying dagat ng mainland Cagayan at Babuyan Islands. Pinapayuhan ang mga mariners ng maliliit na sasakyang pandagat, kabilang ang motorbanca, na huwag lumabas sa dagat lalo na kung walang karanasan o kulang sa kagamitan.
Ang moderate seas naman ay aabot sa 2.5 metro sa baybaying dagat ng Batanes, Ilocos Norte, at Davao Oriental, hilagang baybaying dagat ng mainland Cagayan, silangang baybaying dagat ng Camarines Sur, at natitirang bahagi ng baybaying dagat ng Catanduanes at Babuyan Islands, at hanggang 2.0 metro sa silangang baybaying dagat ng Davao Occidental. Pinapayuhan ang mga manlalayag ng motorbanca at katulad na sasakyang pandagat na mag-ingat at kung maaari, iwasang lumayag sa ilalim ng ganitong kondisyon. Ang iba pang baybaying tubig ay may alon na mas mababa sa 2.0 metro.
Ayon sa PAGASA, inaasahang gagalaw nang northwestward si Ada mula ngayong araw hanggang bukas (17 January) bago unti-unting lumiko papuntang north northwest hanggang northeast sa Linggo (18 January). “Simula Martes (20 January) ng gabi, inaasahang gagalaw si Ada papuntang southeast habang nasa dagat silangan ng Bicol Region,” ani PAGASA. Sa forecast track, maaaring dumaan ang sentro ni Ada malapit sa Eastern Samar at Northern Samar bukas at Catanduanes sa Linggo. Idinagdag ng PAGASA na ang karagdagang paglipat pakanluran sa forecast track ay maaaring magresulta sa posibleng landfall sa Eastern Visayas at Bicol Region.
Bagama’t maaaring magbago pa ang forecast track sa Sabado o Linggo, inaasahang mananatili sa kategoryang tropical storm si Ada habang nasa dagat silangan ng Visayas at Southern Luzon at posibleng humina sa kategoryang tropical depression pagsapit ng Martes.
Carlo Juancho FuntanillaFrontend Developer, WordPress, Shopify
Contributing Editor
AMA ACLC San Pablo
- Carlo Juancho Funtanilla
- Carlo Juancho Funtanilla
- Carlo Juancho Funtanilla
- Carlo Juancho Funtanilla
