Antipolo City. Napatay sa lungsod na ito ang anim na miyembro ng sindikato ng magnanakaw matapos maka engkwentro ang mga elemento ng Rizal Police Provincial Task Force at Highway Patrol Group sa isang insidenteng naganap sa lungsod na ito.
Ayon sa paunang imbestigasyon ni Chief PNP General Guillermo Lorenzo T. Eleazar, magsasagawa ng masusing pagsisiyasat kung ang grupong ito ang sangkot sa pagpatay ng security guard sa isang insidente ng nakawan sa convenience store sa lungsod na ito.
Ayon sa report, nagtangkang nakawan ng mga suspek ang isang gasoline station sa Sitio Boso boso. Brgy. San Jose, Antipolo City Kahapon.
Nauna dito, ang HPG operatives ay HPG operatives ay nagmamatyag na sa mga supek matapos silang makatanggap ng ulat ng banta ng pagnanakaw sa mga tindahan sa Antipolo City.
Ang mga suspek ay agad nagpaputok noong tangkang lapitan sila ng mga pulis sa nabanggit na gasoline station. Nagsimula ang habulan ngunit nakorner ang mga ito matapos harangan ng mga operatiba ng Rizal PPO ang kanilang daan sa pagtakas.
Ang mga napatay ay pinaniniwalaang suspek sa mga naganap na insidente ng pagnanakaw sa Tarlac, Pampanga, Bulacan, Metro Manila at Rizal.
Samantala, pinuri ni BGen Guillermo Eleazar ang mga nabanggit na elemento ng PNP sa aniya ay agresibong operasyon ng mga ito laban sa kriminalidad.
“Let this serve as a strong message to the criminal elements that while the PNP is extending its assistance to contain the spread of the COVID-19, we have not lower our guard against them and we will continue to do so to maintain peace and order and to protect the people as the government starts to normalize the economy. Dahil dito, inatasan ko na ang lahat ng ating unit commanders, particularly in urban areas, to further strengthen its anti-criminality drive and preemptive security measures to deny these criminal elements the opportunity to strike,” ayon kay Chief PNP Eleazar.
Roy Tomandao
Si Roy Tumandao ay kasalukuyang pangulo ng Camp Vicente Lim Press Corps. Nagsimula siya sa larangan ng media noong 1992 at aktibo bilang photo journalist at news correspondent para sa iba’t ibang tabloid. Broadcaster siya ng DZJV 1458 Radyo Calabarzon.
