MAYNILA. Itinuturing ng National Security Council (NSC) na usapin ng pambansang seguridad ang lahat ng banta sa buhay ni Pangulong Ferdinand Marcos Jr. matapos ang naging pahayag ni Pangalawang Pangulo Sara Duterte na ipapapatay niya ang Pangulo at ang pamilya nito kung siya ay ma-assassinate.
Sa isang pahayag noong Linggo, sinabi ni National Security Adviser Eduardo Año, “The NSC considers all threats to the President of the Philippines as serious.”
“Any and all threats against the life of the President shall be validated and considered a matter of national security,” dagdag pa ni Año.
Ang pahayag na ito ay kasunod ng sinabi ni Duterte noong Sabado na ipapapatay niya si Marcos, si Speaker Martin Romualdez, at si Unang Ginang Liza Araneta Marcos sakaling siya ay mapatay.
Ayon kay Año, ang NSC ay nakikipag-ugnayan na sa mga ahensya ng law enforcement at intelligence upang imbestigahan ang ugat ng banta, ang posibleng mga may-akda nito, at ang kanilang mga motibo.
“We shall do our utmost in defense of our democratic institutions and processes which the President represents,” ayon pa kay Año.
Patuloy na binabantayan ng NSC ang sitwasyon at sinisigurong ligtas ang Pangulo at ang mga institusyon ng gobyerno na kanyang kinakatawan.
Carlo Juancho FuntanillaFrontend Developer, WordPress, Shopify
Contributing Editor
AMA ACLC San Pablo
