Exempted na sa election spending ban ang pagbabayad ng cash aid sa mga rice retailers, ayon sa desisyon ng Commission on Elections (Comelec).
Sa iniisyu nitong pahayag noong Martes, inaprubahan ni Comelec Chairman George Garcia ang kahilingan ng Department of Social Welfare and Development (DSWD) para sa exemption sa cash subsidy para sa mga maliit na nagtitinda ng bigas upang mabayaran ang kanilang pagkalugi na dulot ng price ceiling sa bigas sa ilalim ng Executive Order 39.
Noong una, naglalayon ang Comelec na ipagbawal ang paggamit ng mga pampublikong pondo para sa mga programa ng gobyerno tulad ng mga proyekto sa kapakanang panlipunan sa panahon ng eleksyon mula Setyembre 15 hanggang Oktubre 30.
Sa liham kay Garcia, inirekomenda ng law department ng Comelec na ang DSWD ay pinapayagang gumamit ng pampublikong pondo para sa “ongoing and possible early recovery and rehabilitation efforts” na hindi kinokonsidera bilang ‘relief and other goods’ ayon sa Section 9 ng Comelec Resolution No. 10944.
Sa Palace briefing noong Martes, sinabi ni Social Welfare Secretary Rex Gatchalian na ang DSWD ay kasalukuyang nasa pagtatapos na ng pagbabayad ng cash aid sa mga highly-urbanized cities at rehiyon sa Setyembre 14.
Sinabi ni Gatchalian na nagsimula ang gobyerno ng pagpapamahagi ng P15,000 cash grant noong Sabado mula sa hindi bababa sa P5.3 bilyong unobligated budget ng DSWD.
Ayon kay Gatchalian, sa ngayon ay umabot na sa 474 na mga nagtitinda ng bigas sa mga lungsod ng San Juan, Caloocan, Quezon City, Paranaque, Navotas, at Zamboanga del Sur ang nakatanggap ng subsidiya, na umaabot sa P7.5 milyon.
Binanggit ni Gatchalian ang inisyal na listahan mula sa Department of Trade and Industry (DTI), na sakop ang 5,942 small rice retailers sa public at private markets na may business permits at/o DTI o Securities and Exchange Commission registration.
Ayon sa kalihim, isasama sa ikalawang yugto ang mga nagtitinda ng bigas sa labas ng mga pamilihan, at nagtutulungan ang DTI at DSWD na makabuo ng isang listahan.
Sinabi naman ni DSWD spokesperson Romel Lopez na ilan sa mga nagtitinda ay walang kamalayan sa programa, kahit na may information campaign ang mga awtoridad at nakikipag-ugnayan sa mga market master.
Dagdag pa ni Lopez, isinagawa ng DTI at DSWD ang validation sa mga benepisyaryo ng cash aid.
Si Venus L Peñaflor ay naging editor-in-chief ng Newsworld, isang lokal na pahayagan ng Laguna. Publisher din siya ng Daystar Gazette at Tutubi News Magazine. Siya ay isa ring pintor at doll face designer ng Ninay Dolls, ang unang Manikang Pilipino. Kasali siya sa DesignCrowd sa rank na #305 sa 640,000 graphic designers sa buong daigdig. Kasama din siya sa unang Local TV Broadcast sa Laguna na Beyond Manila. Aktibong kasapi siya ng San Pablo Jaycees Senate bilang isang JCI Senator.
