Kailangan ng karagdagang mga psychologist at psychiatrist sa Philippine National Police (PNP), ayon sa pahayag ni PNP Public Information Office Chief PCol. Jean Fajardo.
Ayon kay PCol. Fajardo, may kakulangan sa bilang ng mga psychologist at psychiatrist sa PNP na dapat sana ay nagmamasid sa kalusugan ng isipan ng kanilang mga kasamahan sa hanapbuhay.
Dahil sa maraming isyu na kinakaharap ng ilang miyembro ng PNP, mahalaga na may regular na pagsusuri sa mental health ang mga pulis upang masigurong nasa tamang kondisyon ang kanilang kaisipan.
Inilarawan ni PCol. Fajardo na ang trabaho ng mga pulis ay may kahirapan, kaya’t napakahalaga na mapangalagaan ang kanilang mental health upang hindi ito magdulot ng negatibong epekto sa kanilang tungkulin.
Binanggit ni PCol. Fajardo na kasalukuyang nire-review ng PNP ang memorandum circular na may kaugnayan sa “bantay kaisipan” ng mga pulis. Layunin nito na isama ang neuro at psych test sa kanilang regular na annual physical examination, at hindi lamang bago pumasok sa serbisyo o tuwing may promosyon.
Dagdag pa niya, isa ito sa mga hakbang na kanilang itinutulak, at kabilang na ito sa mga espesyalistang ipinapadala sa mga rehiyon kapag may recruitment na isinasagawa, tulad ng kasalukuyang recruitment sa Bangsamoro Autonomous Region.
Carlo Juancho FuntanillaFrontend Developer, WordPress, Shopify
Contributing Editor
AMA ACLC San Pablo
