Bagyong Paolo lumabas ng PAR, Signal No. 1 nananatili sa 7 lugar

By
Carlo Juancho Funtanilla
-
0
648

MAYNILA — Lumabas na ng Philippine Area of Responsibility (PAR) ang Severe Tropical Storm Paolo, ayon sa 5 a.m. bulletin ng PAGASA nitong Sabado.

Ayon sa ahensya, huling namataan si Paolo kaninang alas kuwatro ng umaga, nasa layong 295 kilometro sa kanluran ng Sinait, Ilocos Sur. Taglay nito ang lakas ng hanging umaabot sa 110 km/h malapit sa gitna at bugso na hanggang 135 km/h, habang kumikilos pa-kanluran hilagang-kanluran sa bilis na 20 km/h.

Nananatili ang Tropical Cyclone Wind Signal No. 1 sa mga sumusunod na lugar:

  • Kanlurang bahagi ng Abra (Danglas, Bangued, Langiden, San Quintin, Pidigan, San Isidro, Pilar, Villaviciosa, Peñarrubia, Manabo, Luba, Tayum, La Paz, Lagayan, Tubo, Bucay, Dolores, San Juan, Lagangilang)
  • Kanlurang bahagi ng Benguet (Bakun, Kibungan, Kapangan, Sablan, Tuba, Mankayan, Tublay, La Trinidad, Baguio City)
  • Katimugang bahagi ng Ilocos Norte (Nueva Era, Banna, Badoc, Pinili, City of Batac, Paoay, Marcos, Currimao)
  • Ilocos Sur
  • La Union
  • Kanlurang at gitnang bahagi ng Pangasinan (Bolinao, Bani, Agno, Burgos, Dasol, Mabini, Infanta, Bugallon, Labrador, Sual, City of Alaminos, Lingayen, Aguilar, Mangatarem, Urbiztondo, San Carlos City, Binmaley, Dagupan City, Calasiao, Basista, Bayambang, San Fabian, San Jacinto, Mangaldan, Mapandan, Santa Barbara, Malasiqui, Alcala, Bautista, Santo Tomas, Villasis, City of Urdaneta, Manaoag, Laoac, Pozorrubio, Sison)
  • Hilagang bahagi ng Zambales (Iba, Candelaria, Palauig, Santa Cruz, Masinloc)

“Paolo will continue moving west-northwestward towards southern China. While moving over the West Philippine Sea, Paolo will re-intensify into a typhoon this morning or afternoon,” ayon sa PAGASA.

Sa susunod na 24 oras, makakaranas ng maulap na kalangitan na may kalat-kalat na pag-ulan at thunderstorms ang Metro Manila, Ilocos Region, Cordillera Administrative Region, Central Luzon, Cavite, Batangas, at Occidental Mindoro dahil sa trough ni Paolo.

Samantala, asahan naman ang localized thunderstorms sa iba pang bahagi ng bansa.

Moderate to strong winds at moderate to rough coastal waters ang mararanasan sa hilagang at kanlurang bahagi ng Northern Luzon, habang light to moderate winds at slight to moderate coastal waters ang iiral sa nalalabing bahagi ng bansa.

Author profile

Carlo Juancho FuntanillaFrontend Developer, WordPress, Shopify
Contributing Editor
AMA ACLC San Pablo

Related entries