MAYNILA — Mas lumakas na at isa nang tropical storm ang Ramil, taglay ang maximum sustained winds na 65 km/h at pagbugsong hangin na umaabot sa 80 km/h, ayon sa pinakahuling ulat ng PAGASA. Huling namataan ang bagyo 305 kilometro silangan ng Juban, Sorsogon dakong 4:00 a.m., at kumikilos pa-kanluran sa bilis na 20 km/h.
Itinaas ang Tropical Cyclone Wind Signal No. 2 sa mga sumusunod na lugar: Camarines Norte, Catanduanes, at hilagang bahagi ng Camarines Sur (Tinambac, Siruma, Goa, San Jose, Lagonoy, Garchitorena, Caramoan, Presentacion).
Nasa ilalim naman ng Signal No. 1 ang mga sumusunod na lugar:
LUZON:
Cagayan (kasama ang Babuyan Islands), Isabela, Quirino, Nueva Vizcaya, Apayao, Abra, Kalinga, Mountain Province, Ifugao, Benguet, Ilocos Norte, Ilocos Sur, La Union, Pangasinan, Aurora, Nueva Ecija, silangang bahagi ng Bulacan (Doña Remedios Trinidad, Norzagaray, San Miguel, San Ildefonso, San Rafael, Angat), silangang bahagi ng Tarlac (Camiling, San Clemente, Santa Ignacia, Paniqui, Moncada, San Manuel, Anao, Ramos, Pura, Victoria, City of Tarlac, La Paz, Concepcion, Gerona), silangang bahagi ng Pampanga (Magalang, Arayat, Candaba), hilaga at silangang bahagi ng Quezon (Tagkawayan, Perez, Alabat, Quezon, Atimonan, Padre Burgos, Unisan, Gumaca, Plaridel, Agdangan, Pagbilao, Mauban, Calauag, Guinayangan, Lopez, Pitogo, Macalelon, General Luna, Catanauan, San Narciso, Buenavista, San Francisco, San Andres, Mulanay, General Nakar, Infanta, Real, Sampaloc) kabilang ang Polillo Islands, Camarines Norte, natitirang bahagi ng Camarines Sur, Albay, Sorsogon, Burias Island, at Ticao Island.
VISAYAS:
Northern Samar, hilagang bahagi ng Eastern Samar (San Policarpo, Arteche, Oras, Dolores, Maslog, Jipapad, Taft, Can-Avid), at hilagang bahagi ng Samar (Matuguinao, San Jose de Buan, Calbayog City, Gandara, Santa Margarita, Pagsanghan, San Jorge).
Ayon sa PAGASA, inaasahang magla-landfall o dadaan malapit sa Catanduanes si Ramil ngayong Sabado ng hapon o gabi. Maaaring tumama sa Aurora o Isabela sa Linggo bago tumawid sa kabundukang bahagi ng Northern at Central Luzon.
Tinatayang lalabas ng Philippine Area of Responsibility (PAR) si Ramil sa Lunes ng umaga, kung hindi magbabago ang direksyong tinatahak nito.
Carlo Juancho FuntanillaFrontend Developer, WordPress, Shopify
Contributing Editor
AMA ACLC San Pablo
- Carlo Juancho Funtanilla
- Carlo Juancho Funtanilla
- Carlo Juancho Funtanilla
- Carlo Juancho Funtanilla
