Maynila. Inilunsad ng Department of Health ang Bakunado Panalo, isang ripa na itinataguyod ng Philippine Amusement and Gaming Corporation (PAGCOR) sa pakikipagtulungan sa Philippine Disaster Resilience Foundation (PDRF).
Layunin ng Bakunado Panalo Raffle na pasalamatan ang mga Pilipino sa kanilang pakiisa sa laban ng bansa sa Covid-19 at upang mapataas pa ang vaccine willingness.
“Every Filipino vaccinated is another Filipino protected. Through this raffle, we celebrate the contribution that each Filipino makes in choosing to get vaccinated and playing their part to end this pandemic,” ayon kay Secretary of Health Francisco T. Duque III.
Patatakbuhin ng ZED, isang telecom company ang Bakunado Panalo mula Oktubre hanggang Disyembre at mamamahagi ng 3M na cash prizes sa mga lalahok at magwawaging mga bakunadong Pilipino.
Ang PDRF ay kabalikat ng pamahalaan sa layuning mabakunahan ang 80% ng Pilipino kabilang ang mga batang edad 12 hanggang 17.
Para sa karagdagang impormasyon tungkol sa Bakunado Panalo Raffle, bumisita sa:
http://doh.gov.ph/vaccines/raffle
Roy Tomandao
Si Roy Tumandao ay kasalukuyang pangulo ng Camp Vicente Lim Press Corps. Nagsimula siya sa larangan ng media noong 1992 at aktibo bilang photo journalist at news correspondent para sa iba’t ibang tabloid. Broadcaster siya ng DZJV 1458 Radyo Calabarzon.
