Cainta, Rizal. Patay ang isang motorcycle rider matapos mabangga sa isang bicycle rider sa Brgy. San Juan, bayang ito.
Dead on arrival sa Rizal Medical Center si Samuel Oligario, 25 anyos na residente ng Poblacion sa nabanggit na bayan.
Ayon sa paunang imbestigasyon ni PLt.Col.Orlando Carag Jr., OIC chief ng Cainta Municipal Police Station, tinatahak ni Olegario ang Matikling Highway ng biglang sumulpot mula sa harapan nito ang sinasakyang bisikleta ni Art Leo Britanico, 21 anyos.
Sinabi ng ilang nakasaksi sa insidente na tumilapon ng ilang metro ang motobike rider. Sugatan naman ang sakay ng bisekleta ngunit ligtas na.
Inaalam pa ng pulisya kung may pananagutan ang biker sa naturang aksidente.
Arman B. Cambe
Si Arman B. Cambe ay naging ABS-CBN news correspondent noong 1987-1989. Naging provincial correspondent ng Headline news, isang national daily tabloid at 10 taong naging Laguna broadcast correspondent ng Radio Veritas. Contributor din siya sa loob ng 5 taon sa Peoples Journal group of companies. Naging Professor ng Journalism at Broadcasting ng 15 taon sa Laguna State Polytechnic University, Sta. Cruz Campus at 5 taon na naging Teacher exchange scholar sa Don Bosco at St. Dominic Institute sa Bangkok, Thailand.
