Agoncillo, Batangas. Natagpuang nakalutang sa ilog ang bangkay ng isang 66 anyos na senior citizen sa Brgy. Sta. Cruz sa bayang ito noong Biyernes ng umaga.
Kinilala ng Police Major Ronnie Aurellano, hepe ng Agoncillo Municipal Police Station (MPS) ang biktima na si Danilo Sanchez, walang asawa at residente ng nabanggit na lugar.
Ang biktima ay unang iniulat ng pamilya sa himpilan ng pulisya na tatlong araw ng nawawala. Ayon sa kanyang salaysay, bigla na lamang itong nawala sa kanilang bahay at hindi na nakabalik.
Ang kanyang bangkay ay nakita ng isang namimitas ng talbos ng kangkong sa ilog na siyang nagulat sa pulisya.
Nakipag tulungan ang Agoncillo MPS sa Municipal Disaster Risk Reduction Management office ng bayan na maiahon sa ilog ang labi ng biktima. Kinilala ng pamilya ni Sanchez na siya nga ang nawawalang kaanak.
Sinabi ng municipal health office ng Agoncillo na tatlong araw ng patay ang matanda at malaki ang posibilidad na nalunod ito.
Walang nakitang mga senyales ng foul play ang pulisya sa katawan ng biktima.
Arman B. Cambe
Si Arman B. Cambe ay naging ABS-CBN news correspondent noong 1987-1989. Naging provincial correspondent ng Headline news, isang national daily tabloid at 10 taong naging Laguna broadcast correspondent ng Radio Veritas. Contributor din siya sa loob ng 5 taon sa Peoples Journal group of companies. Naging Professor ng Journalism at Broadcasting ng 15 taon sa Laguna State Polytechnic University, Sta. Cruz Campus at 5 taon na naging Teacher exchange scholar sa Don Bosco at St. Dominic Institute sa Bangkok, Thailand.
