Sa ika-100 taon ng buhay ni Chief Presidential Legal Counsel Juan Ponce Enrile, nagpadala ang Malakanyang ng mainit na pagbati sa kanyang kaarawan kahapon. Sa isang pahayag sa kanilang opisyal na Facebook page, binati ng Office of the President (OP) si Enrile at ipinaabot ang wish ng Malakanyang sa kanya na “joy and good health.”
“The Office of the President (OP) extends warm birthday wishes to our Chief Presidential Legal Counsel, Juan Ponce Enrile… Wishing you a year filled with joy and good health,” ang sinabi ng OP sa kanilang Facebook post.
Dagdag pa ng OP, pinupuri rin nila si Enrile sa kanyang “tireless efforts in serving (the country).”
Nagsimula ang karera ni Enrile sa pampublikong serbisyo nang maupo siya bilang finance undersecretary sa panahon ng pamumuno ni dating Pangulong Ferdinand E. Marcos Sr. Siya rin ay naging instrumento sa pagpapabago ng mga patakaran at regulasyon na nananatili hanggang sa kasalukuyan sa Insurance Code of the Philippines bilang acting head ng Insurance Commission.
Bukod dito, nagsilbi rin si Enrile bilang acting Customs commissioner, acting finance secretary, chairperson ng Monetary Board of the Central Bank of the Philippines, at defense secretary sa panahon ng kanyang panunungkulan sa ilalim ng pamamahala ni Marcos Sr.
Bukod pa dito, nagsilbing mambabatas si Enrile hanggang sa kanyang pagtatalaga bilang chief legal counsel ni Pangulong Marcos Jr. noong Hulyo 2022.
Ipinagdiwang ni PBBM ang buhay at mga kontribusyon ng dating senador, at ginawaran ito ng Presidential Letter of Felicitation at centenarian stamp sa ilalim ng Republic Act 10868.
Sa mga tagumpay at paglilingkod ni Chief Presidential Legal Counsel Juan Ponce Enrile, patuloy siyang pinararangalan at kinikilala ng Malakanyang at ng sambayanan.
Carlo Juancho FuntanillaFrontend Developer, WordPress, Shopify
Contributing Editor
AMA ACLC San Pablo
