Silang, Cavite. Nalunod sa ilog ang isang 14 anyos na binatilyo matapos siyang mag dive dito sa pag iwas na kagatin ng aso, sa Brgy. Litlit, bayang ito.
Kinilala ang biktima na si John Emerson Basilan,estudyante sa Grade 9 at residente ng nabanggit na barangay.
Batay sa imbestigasyon ni Pat. Menervin Castillo ng Silang Police Station, bandang 6:00 ng hapon kamakalawa ay nakikipaglaro ng taguan ang biktima sa kanyang mga kapitbahay ng aksidenteng malapitan nito ang isang nakataling aso. Nakawala ang aso at hinabol ang binatilyo at sa pag iwas ay tumalon ito ilog at nalunod.
Sinagip ng kanyang lolo ang biktima at isinugod ito sa ospital ngunit habang ginagamot ay binawian ito ng buhay.
Arman B. Cambe
Si Arman B. Cambe ay naging ABS-CBN news correspondent noong 1987-1989. Naging provincial correspondent ng Headline news, isang national daily tabloid at 10 taong naging Laguna broadcast correspondent ng Radio Veritas. Contributor din siya sa loob ng 5 taon sa Peoples Journal group of companies. Naging Professor ng Journalism at Broadcasting ng 15 taon sa Laguna State Polytechnic University, Sta. Cruz Campus at 5 taon na naging Teacher exchange scholar sa Don Bosco at St. Dominic Institute sa Bangkok, Thailand.
