Ininspeksyon ni PRO Calabarzon Regional Director, PBGEN Antonio C. Yarra kasama si Batangas Vice Governor Mark Leviste ang Evacuation Center sa Brgy. Ticub, Laurel Batangas at sinuri ang peace and order situation ng lugar.
Kinamusta ng heneral ang mga residenteng lumikas kaugnay ng Alert Level 3 Status na itinaas sa mga apektadong lugar ng Batangas at mga kalapit na munisipalidad matapos muling magpakita ang Taal Volcano ng phreatomagmatic burst na maaaring magdulot ng mga susunod pang mga pagsabog.
Nagpatawag din ng pulong si Yarra kasama ang mga opisyal ng Batangas Police Provincial Office at Chiefs of Police ng mga munisipalidad malapit sa Taal Volcano.
Nauna dito ay bumisita Yarra kay Laurel Mayor, Joan Lumbres Amo bago tumuloy sa evacuation center at tinalakay ang mga hakbang na dapat isagawa hinggil sa malawakang evacuation.
Roy Tomandao
Si Roy Tumandao ay kasalukuyang pangulo ng Camp Vicente Lim Press Corps. Nagsimula siya sa larangan ng media noong 1992 at aktibo bilang photo journalist at news correspondent para sa iba’t ibang tabloid. Broadcaster siya ng DZJV 1458 Radyo Calabarzon.
