TACLOBAN CITY. Naantala ang pagbabalik sa Manila ng Philippine Airlines Flight 2988 mula Tacloban Airport dahil sa isang bomb joke na ginawa ng 80-anyos na pasahero. Ang nasabing flight ay kinabibilangan ng mga kongresista na dumalo sa Bagong Pilipinas Serbisyo Fair (BPSF).
Ayon sa ulat, ang 80-anyos na babae ay nagbigay ng maling impormasyon sa PAL flight attendant, sinasabing may bomba sa eroplano. Agad na ipinasa ng steward ang impormasyong ito sa kanyang supervisor, na nagresulta sa agarang paghawak ng boarding ng eroplano.
Sa oras ng insidente, ang mga kongresista na nasa loob ng eroplano ay nagsasagawa na ng boarding process para sa iba pang pasahero. Bilang bahagi ng standard operating procedure, lahat ng pasahero ay pinababa mula sa eroplano at muling isinagawa ang inspection sa loob ng eroplano at sa mga bagahe.
Dalawang K9 dogs ang dineploy ng airport security upang suriin ang mga bagahe. Ang insidente ay nagdulot ng higit dalawang oras na pagkaabala, at ang nasabing senior citizen ay hindi na pinasakay ng eroplano at kasalukuyang iniimbestigahan.
Ayon sa Civil Aviation Authority of the Philippines, nasa 70 kongresista ang sakay ng nasabing flight. Matapos matiyak na walang panganib at walang katotohanan ang bomb threat, itinuloy din ang byahe pabalik ng Maynila.
Sa panig ni Agri Partylist Rep. Wilbert Lee, sinabi nito na dapat maglagay ng mga impormasyon ukol sa mga parusa sa mga bomb joke sa paligid ng airport upang maiwasan ang mga ganitong insidente.
Ang Bagong Pilipinas Serbisyo Fair (BPSF) ay nagdaos ng unang anibersaryo sa Tacloban City, kung saan ang gobyerno ay nagbigay ng P1.26 billion halaga ng mga serbisyo at financial aid sa 253,000 beneficiaries sa Eastern Visayas.
Carlo Juancho FuntanillaFrontend Developer, WordPress, Shopify
Contributing Editor
AMA ACLC San Pablo
