TALISAY, Batangas. Nakapagtala ang Bulkang Taal ng dalawang magkasunod na steam-driven o phreatic explosion kahapon ng umaga, Sabado, Abril 20.
Batay sa ulat ng PHIVOLCS, naitala ang unang pagsabog mula 8:50 hanggang 8:52 ng umaga, at ang pangalawang insidente naman ay nangyari mula alas-9:09 hanggang 9:12 ng umaga.
“Tinutukan natin ang dalawang sunod-sunod na steam-driven o phreatic explosion ng Bulkang Taal ngayong umaga,” ayon sa PHIVOLCS.
Agad namang naglabas ng babala ang National Disaster Risk Reduction and Management Council o NDRRMC sa publiko na maging handa at alerto sa banta ng Bulkang Taal.
“Pinapaalalahanan namin ang publiko, lalo na ang mga residente sa mga lugar malapit sa Bulkang Taal, na maging handa at maging alerto sa mga posibleng panganib dulot ng mga pagsabog ng bulkan,” ayon sa tagapagsalita ng NDRRMC.
Sa kasalukuyan, nananatili sa Alert Level 1 ang babala sa naturang bulkan, na nangangahulugang maaaring magkaroon ng pagbabago sa kabuuang pag-atake at maaring magdulot ng pagsabog ng abo, paglakas ng mga pagyanig, at panganib sa kalusugan sa mga populasyon sa paligid ng bulkan.
Si Venus L Peñaflor ay naging editor-in-chief ng Newsworld, isang lokal na pahayagan ng Laguna. Publisher din siya ng Daystar Gazette at Tutubi News Magazine. Siya ay isa ring pintor at doll face designer ng Ninay Dolls, ang unang Manikang Pilipino. Kasali siya sa DesignCrowd sa rank na #305 sa 640,000 graphic designers sa buong daigdig. Kasama din siya sa unang Local TV Broadcast sa Laguna na Beyond Manila. Aktibong kasapi siya ng San Pablo Jaycees Senate bilang isang JCI Senator.
