Tanza, Cavite. Patay ang isang pulis matapos mabaril ng drug suspect habang isinasagawa ang buy-bust operation ng pulisya sa bayan ng Tanza, kamakalawa ng umaga.
Nagtamo ng tama ng bala sa dibdib si PCpl. John Paul Digma, nakatalaga sa Tanza Police Intelligence Unit na agad niyang ikinamatay.
Napatay rin ang suspek na target ng buy-bust na nakilalang si Jay Alang Ilang, isang kilalang drug pusher sa nasabing lugar.
Ayon sa ulat nina PStaff Sgt. Francis Mark Cortez at PStaff Sgt. Emerson De Ocampo ng Tanza Municipal Police Station, isang buy-bust operation ang ikinasa ng Intelligence operatives sa Brgy. Biga, Tanza.
Sa akto ng buy-bust operations, nakatunog ang suspek na pulis ang kanyang ka-deal kung kaya’t agad itong nagtatakbo habang binabaril nito ang mga pulis, ayon sa reporn.
Dead on the spot si Digma matapos siyang tamaan sa dibdib na tumagos sa kanyang puso.
Gumanti naman ng putok ang mga kasamahan ni Digma at napatay din ang suspek.
Arman B. Cambe
Si Arman B. Cambe ay naging ABS-CBN news correspondent noong 1987-1989. Naging provincial correspondent ng Headline news, isang national daily tabloid at 10 taong naging Laguna broadcast correspondent ng Radio Veritas. Contributor din siya sa loob ng 5 taon sa Peoples Journal group of companies. Naging Professor ng Journalism at Broadcasting ng 15 taon sa Laguna State Polytechnic University, Sta. Cruz Campus at 5 taon na naging Teacher exchange scholar sa Don Bosco at St. Dominic Institute sa Bangkok, Thailand.
