PARIS. Naganap ang matagal nang inaasam na tagumpay para sa Pilipinas noong Sabado ng gabi, matapos makamit ni Filipino gymnast Carlos Yulo ang gintong medalya sa men’s floor exercise ng 2024 Paris Olympics.
Ang panalo ni Yulo ay hindi lamang naging mahalaga para sa kanya kundi pati na rin para sa bansa, dahil ito ang kauna-unahang gold medal na nakuha ng Pilipinas sa kasalukuyang Olympics.
Si Yulo, na kilala bilang isa sa pinaka-decorated na gymnast ng bansa, ay nagbigay ng halos perpektong performance sa kabila ng matinding pressure mula sa mga nakaraang nagtagumpay na competitors. Sa katunayan, si Artem Dolgopyat ng Israel, ang defending champion, ay nakakuha ng 14.966 puntos, habang si Rayderley Zapata ay umiskor ng 14.333.Ngunit ang ipinamalas ni Yulo ay tunay na kahanga-hanga. Ang kanyang routine ay nagbigay sa kanya ng score na 15.000, na binubuo ng 8.400 sa execution at 6.600 sa difficulty.
Ang kanyang tagumpay ay sinalubong ng sigawan mula sa kanyang mga tagasuporta. Sa huli, pumangalawa si Luke Whitehouse ng Great Britain na may iskor na 14.466, habang si Jake Jarman ng Great Britain ang tumanggap ng bronze na may 14.933.
Isang emosyonal na Yulo ang bumagsak sa sahig at napaiyak sa kanyang tagumpay, bilang ikalawang Olympic champion sa kasaysayan ng Pilipinas, pagkatapos ng weightlifter na si Hidilyn Diaz. Ang kanyang tagumpay ay nagbigay inspirasyon sa bansa, at may pagkakataon pa siyang makakuha ng isa pang medalya sa finals ng men’s vault.
Binati ni Pangulong Ferdinand Marcos Jr. si Yulo
Agad na binati ni Pangulong Ferdinand Marcos Jr. si Carlos Yulo sa pamamagitan ng isang Facebook post, kung saan binigyang-diin ang pagmamalaki ng buong bansa sa kanyang tagumpay. Sa kanyang post, sinabi ng Pangulo:
“Congratulations, Caloy! The entire country stands proud with you.”
Dagdag pa ng Pangulo, “We’ve witnessed history as Carlos Yulo clinched the Philippines’ first gold medal in artistic gymnastics at the Paris 2024 Olympics. I am confident that it will not be the last.”
Nananatiling optimistiko ang Pangulo na magkakaroon pa ng higit pang medalya para sa bansa sa nalalapit na mga kompetisyon. Bukod kay Yulo, inaasahan ding magbigay ng medalya ang mga boxer na sina Aira Villegas at Nesthy Petecio, habang si pole vaulter EJ Obiena ay kwalipikado para sa men’s pole vault finals. Kasama rin sa mga susunod na laban sina hurdlers John Cabang Tolentino at Lauren Hoffman, golfers Dottie Ardina at Bianca Pagdanganan, at weightlifters John Ceniza, Vanessa Sarno, at Elreen Ando.
Paraluman P. Funtanilla
Paraluman P. Funtanilla is Tutubi News Magazine's Marketing Specialist and is a Contributing Editor. She finished her degree in Communication Arts in De La Salle Lipa. She has worked as a Digital Marketer for start-up businesses and small business spaces for the past two years. She has earned certificates from Coursera on Brand Management: Aligning Business Brand and Behavior and Viral Marketing and How to Craft Contagious Content. She also worked with Asia Express Romania TV Show.
