Pipirma ang Commission on Elections (Comelec) at ang Miru System ng South Korea ngayong umaga, Marso 11, para sa proyektong Full Automation System with Transparency Audit/Count (FASTrAC) na nakatakda sa 2025.
Ang pirmahan ng kontrata ay gaganapin sa Chairman’s Hall sa headquarters ng Palacio del Gobernador sa Intramuros, Maynila. Ang kontrata para sa automated election system (AES) sa 2025 ay nagkakahalaga ng P18 bilyon, ayon sa anunsyo ng Comelec noong Sabado.
Pinasalamatan ng Comelec ang joint venture ng Miru Systems Co Ltd, Integrated Computer Systems, St. Timothy Construction Corporation, at Centerpoint Solutions Technologies, Inc. (MIRU_ICS_STCC_CPSTI) para sa matagumpay na negosasyon.
Kasama sa pagpirma ng kontrata ang mga miyembro ng en banc ng Comelec, na pinangunahan ni Comelec Chair George Garcia kasama ang mga Commissioners na sina Socorro Inting, Marlon Casquejo, Aimee Ferolino, Rey Bulay, Ernesto Ferdinand Maceda Jr. at Nestor Celis.
Noong Pebrero 22, idineklara ng en banc ang MIRU_ICS_STCC_CPSTI bilang “Single calculated and Responsive Bid” sa bid offer na nagkakahalaga ng P17,988,878,226.55. Sinuri ng Comelec ang lahat ng legal, teknikal, at pinansyal na mga dokumento na isinumite ng kumpanya at itinuturing itong kwalipikado para sa proyektong ito.
Si Venus L Peñaflor ay naging editor-in-chief ng Newsworld, isang lokal na pahayagan ng Laguna. Publisher din siya ng Daystar Gazette at Tutubi News Magazine. Siya ay isa ring pintor at doll face designer ng Ninay Dolls, ang unang Manikang Pilipino. Kasali siya sa DesignCrowd sa rank na #305 sa 640,000 graphic designers sa buong daigdig. Kasama din siya sa unang Local TV Broadcast sa Laguna na Beyond Manila. Aktibong kasapi siya ng San Pablo Jaycees Senate bilang isang JCI Senator.
