Naghihintay pa ang Commission on Elections (Comelec) sa desisyon ng House of Representatives kung magsasagawa o hindi ng espesyal na halalan para sa ika-anim na distrito ng lalawigan ng Batangas na iniwan ni Congressman Ralph Recto.
“It depends on the House of Representatives if they will call for one. There is none so far, likely because Congress has not yet resumed session,” sabi ni Comelec Chairperson George Erwin Garcia nitong Martes, Enero 16.
Ayon sa mga alituntunin ng Comelec, kinakailangan muna ng lower chamber na maglabas ng sertipikado ng permanente o pangmatagalang bakante at resolusyon bago magsagawa ng espesyal na halalan ang poll body.
Noong nakaraang linggo, itinalaga ni Pangulong Ferdinand R. Marcos Jr. si Congressman Ralph Recto bilang bagong kalihim ng Department of Finance
Pumalit si Recto kay Benjamin Diokno, na itinalaga naman bilang miyembro ng Monetary Board ng Bangko Sentral ng Pilipinas.
Dahil dito, iniwan ni Recto ang kanyang puwesto bilang isa sa mga deputy speaker ng Kamara na nagdudulot ng pagkabakante sa ika-anim na distrito ng Batangas. Dahil dito, naghihintay ang Comelec ng kinakailangang hakbang mula sa House of Representatives upang simulan ang proseso ng espesyal na halalan.
Carlo Juancho FuntanillaFrontend Developer, WordPress, Shopify
Contributing Editor
AMA ACLC San Pablo
