BACOOR, Cavite. Kinumpirma ng mga awtoridad ang pagkamatay ng isang dating barangay kagawad matapos tambangan at pagbabarilin ng riding-in-tandem sa lungsod na ito kamakalawa ng hapon.
Kinilala ng biktima na kilala na si Eleuterio Calilung III, isang dating kagawad at residente ng Brgy. Salinas 2 sa nasabing lungsod.
Ayon sa imbestigasyon ng Bacoor City Police, bandang 5:21 ng hapon, pauwi na sa kanyang bahay ang biktima at sakay ng kanyang Honda Civic ng bigla itong tinambangan ng riding-in-tandem sa Brgy. Salinas 1.
Ayon sa report, dinikitan at pinagbabaril ang sasakyan ng biktima ng isang itim na Honda Beat motorcycle na may dalawang armadong lalaki habang tumatakbo ang kotse ng biktima.
Tumakas ang mga suspek patungo sa hindi pa malamanag direksyon samantalag nagsasagawa na ng follow-up operation ang pulisya upang matukoy ang mga salarin at ang kanilang motibo sa pamamaslang.
Arman B. Cambe
Si Arman B. Cambe ay naging ABS-CBN news correspondent noong 1987-1989. Naging provincial correspondent ng Headline news, isang national daily tabloid at 10 taong naging Laguna broadcast correspondent ng Radio Veritas. Contributor din siya sa loob ng 5 taon sa Peoples Journal group of companies. Naging Professor ng Journalism at Broadcasting ng 15 taon sa Laguna State Polytechnic University, Sta. Cruz Campus at 5 taon na naging Teacher exchange scholar sa Don Bosco at St. Dominic Institute sa Bangkok, Thailand.
