Isang malakas na 7.3 magnitude na lindol ang yumanig malapit sa Indonesia at bandang Mindanao at maaaring magdulot ito ng “pinsala at aftershocks” sa Pilipinas, ayon sa ulat ng Philippine Institute of Volcanology and Seismology (PHIVOLCS)
Nadama ang magnitude 7.3 na lindol sa Sarangani, Davao Occidental kanina, bandang alas-2:06 ng hapon, Miyerkules, Enero 18.
Ayon sa ulat ng Philippine Institute of Volcanology and Seismology (PHIVOLCS) ang sentro ng lindol ay naitala 325 kilometro silangan ng Sarangani, Davao Occidental. May lalim itong 64 kilometro ayon sa PHIVOLCS.
Mas malapit ang pinangyarihan nito sa bansang Indonesia kaysa sa Pilipinas.
Samantala, naitala naman ang mga sumusunod na instrumental intensities:
Intensity II – Don Marcelino, Davao Occidental; Nabunturan, Davao de Oro; Glan at Kiamba, Sarangani; General Santos City, Tupi, Santo Niño, Koronadal City, at T’Boli, South Cotabato
Intensity I – Kidapawan City, Cotabato; Maitum at Maasim, Sarangani; Tantangan, Lake Sebu, Tampakan, Suralla, at Norala, South Cotabato; Zamboanga City, Zamboanga del Sur.
Inaasahan ang pinsala at aftershock sa nangyaring pagyanig.
Carlo Juancho FuntanillaFrontend Developer, WordPress, Shopify
Contributing Editor
AMA ACLC San Pablo
