MAYNILA. Pinayuhan ng Department of Health (DOH) ang mga paaralan na maging handa sa pag-iwas sa posibleng pagkalat ng dengue, lalo’t nalalapit na ang pagbabalik-eskwela sa Hunyo 16 at ang pagsisimula ng tag-ulan.
Sa nationwide kickoff ng Brigada Eskwela 2025 na ginanap sa Bacacay East Central School sa Bacacay, Albay kahapon, binigyang-diin ni Health Secretary Teodoro Herbosa na ang dengue ay isa sa mga pangunahing problemang pangkalusugan ng mga kabataan.
Pinasalamatan din niya ang mga guro sa kanilang suporta sa DOH, dahil karamihan sa mga isyung kinakaharap ng ahensya ay may kinalaman sa kalusugan ng mga mag-aaral.
“So the rainy season is starting, and I do hope that schools are now clean and well-maintained so they won’t become breeding grounds for mosquitoes that carry dengue,” sabi ni Herbosa.
Nauna nang nagbabala si Herbosa sa posibleng malaking outbreak ng dengue dahil sa pagtaas ng mga kaso ng sakit ngayong taon.
Ipinahayag din ni Herbosa ang kanyang pagkaalarma sa iba pang isyu ng kalusugan na kinasasangkutan ng mga kabataan, tulad ng paggamit ng vape at pagkalat ng HIV.
Carlo Juancho FuntanillaFrontend Developer, WordPress, Shopify
Contributing Editor
AMA ACLC San Pablo
- Carlo Juancho Funtanillahttps://tutubi.ph/author/carlojpf/
- Carlo Juancho Funtanillahttps://tutubi.ph/author/carlojpf/
- Carlo Juancho Funtanillahttps://tutubi.ph/author/carlojpf/
- Carlo Juancho Funtanillahttps://tutubi.ph/author/carlojpf/
