Nagpapaalala ang Department of Health (DOH) sa publiko na magpabakuna matapos ang biglang pag-akyat ng bilang ng mga kaso ng pertussis o ubong dalahit at measles o tigdas sa bansa.
Batay sa impormasyon ng DOH, sa unang 10 linggo ng mga nakaraang taon, mababa lamang ang bilang ng mga kaso ng pertussis. Noong 2019, mayroong 52 kaso at 27 naman noong 2020. Sa panahon ng pandemya ng COVID-19 noong 2021, pitong kaso lamang ang naitala, at dalawa naman noong 2022. Sa unang taon matapos alisin ang mga paghihigpit dahil sa pandemya noong 2023, 23 ang naitalang kaso ng pertussis sa parehong panahon. Subalit, sa unang 10 linggo ng 2024, bigla itong tumaas sa 453 kaso.
Samantala, hanggang Pebrero 24, 2024, naitala ng DOH ang kabuuang 569 kaso ng tigdas at rubella sa bansa. Ayon sa DOH, ang pagkakaroon ng mga pagbabago sa mga regular na pagbabakuna at pangunahing pangangalaga noong panahon ng pandemya ang isa sa mga pangunahing dahilan ng pag-akyat ng kaso.
Ang pertussis, na kilala rin bilang whooping cough, ay isang bacterial respiratory infection na maaaring maipasa sa pamamagitan ng pag-ubo at pagbahin. Kasama sa sintomas nito ang mild na lagnat, sipon, at ubo na maaaring tumagal ng pitong hanggang sampung araw pagkatapos ng pagkahawa. Bagama’t maaaring gamutin ang pertussis gamit ang mga antibiotic, ang pinakamahusay na paraan pa rin upang maiwasan ito ay ang pagpapabakuna.
Sa kabilang banda, ang tigdas o measles ay isa ring sakit na madaling kumalat sa pamamagitan ng hangin, lalo na sa mga pagkakataon ng pag-ubo at pagbahin. Ang mga sintomas nito ay kasama ang mataas na lagnat, ubo, sipon, at pantal sa katawan. Bagaman walang partikular na gamot laban sa virus na nagdudulot ng tigdas, ang bakuna ang pinakamabisang proteksyon laban dito.
Si Venus L Peñaflor ay naging editor-in-chief ng Newsworld, isang lokal na pahayagan ng Laguna. Publisher din siya ng Daystar Gazette at Tutubi News Magazine. Siya ay isa ring pintor at doll face designer ng Ninay Dolls, ang unang Manikang Pilipino. Kasali siya sa DesignCrowd sa rank na #305 sa 640,000 graphic designers sa buong daigdig. Kasama din siya sa unang Local TV Broadcast sa Laguna na Beyond Manila. Aktibong kasapi siya ng San Pablo Jaycees Senate bilang isang JCI Senator.
Dr. Jeffrey Montoya Sumague, DMD
Dr. Jeffrey Montoya Sumague, DMD, FPFA, a distinguished Doctor of Dental Medicine, combines clinical excellence with a passion for community engagement. A graduate of Centro Escolar University in Manila, Dr. Sumague specializes in Orthodontics, Cosmetic Dentistry, and Craniocervical Craniosacral TMJ. His leadership is evident through his role as past President of the Philippine Dental Association San Pablo City Chapter and as a dedicated member of JCI 7 Lakes.
Beyond his dental practice, Dr. Sumague is a multifaceted individual. As a Fellow of the Pierre Fauchard Academy and a Professor at Centro Escolar University, he remains committed to advancing the field of dentistry. His ability to connect with audiences is showcased through his work as a social media influencer, radio DJ/anchor for J101.5 FM Big Radio, and former correspondent for Isyu Balita. He now contributes to Tutubi News Magazine, sharing his diverse perspectives with a wider audience.
