MAYNILA. Hinihiling ng kampo ni dating Pangulong Rodrigo Duterte sa International Criminal Court (ICC) ang indefinite adjournment ng kaso laban sa kanya, matapos igiit ng kanyang abogado na hindi na ito fit upang dumalo sa paglilitis.
Ayon kay Nicholas Kaufman, abogado ni Duterte, wala na umanong malinaw na alaala ang 80-anyos na dating pangulo tungkol sa mga pangyayari sa kanyang buhay at maging sa mga miyembro ng kanyang pamilya.
Batay sa public redacted na bersyon ng Defense Request for an Indefinite Adjournment na inilabas ng ICC noong Setyembre 11, sinabi ni Kaufman na hindi na kayang ipagtanggol ni Duterte ang sarili at hindi rin umano nito nauunawaan kung bakit siya nakakulong.
“With his impaired memory and concomitant inability to retain new information or to recall events, places, timing or even members of his close family and defense team, Mr. Duterte is unable to fully understand the nature and implications of the proceedings conducted against him,” pahayag ni Kaufman.
Dagdag pa ng abogado, kahit pa sumailalim si Duterte sa medical o psychiatric intervention, mananatiling “static” o posibleng lumubha pa ang kanyang kondisyon.
“[REDACTED] Mr. Duterte’s pathology clearly suggests that ‘a trial and continued detention… would also not serve the interests of justice’. In these circumstances, the pursuit of legal proceedings against a [REDACTED] incapacitated individual must be terminated,” ani Kaufman.
Matatandaang ipinagpaliban ng ICC ang nakatakdang pagdinig sa kaso ni Duterte ngayong Setyembre 23, matapos igiit ng depensa na hindi na siya fit humarap sa paglilitis.
Carlo Juancho FuntanillaFrontend Developer, WordPress, Shopify
Contributing Editor
AMA ACLC San Pablo
- Carlo Juancho Funtanilla
- Carlo Juancho Funtanilla
- Carlo Juancho Funtanilla
- Carlo Juancho Funtanilla
