Bay, Laguna. Naisakatuparan ang pangarap ng bayan ng Bay na magkaroon ng bagong munisipyo matapos maisagawa ang makasaysayang groundbreaking ceremony na pagtatayuan nito sa Brgy. Puypuy, sa bayang ito, noong ika-11 ng Oktubre 2022.
Pinangunahan ni Laguna Governor Ramil Hernandez ang groundbreaking kasama sina Congresswoman Ruth Hernandez, Bise Gobernador Atty. Karen Agapay, Board Members (2nd District) Peewee Perez, at Tito Fortunato Caringal II, Bay Mayor Jose Padrid, mga miyembro ng Sangguniang Bayan, mga kawani ng pamahalaang lokal ng Bay at Department of Public Works and Highways.
Aabot sa kabuuang 8,657 square meters ang lupa at 4,387.5 square meters naman ang floor area nito. Ang pondo para dito ay magmumula sa pamahalaang panlalawigan, sa tanggapan ni Congresswoman Ruth Hernandez, at sa pamahalaang lokal ng Bay.
Si Venus L Peñaflor ay naging editor-in-chief ng Newsworld, isang lokal na pahayagan ng Laguna. Publisher din siya ng Daystar Gazette at Tutubi News Magazine. Siya ay isa ring pintor at doll face designer ng Ninay Dolls, ang unang Manikang Pilipino. Kasali siya sa DesignCrowd sa rank na #305 sa 640,000 graphic designers sa buong daigdig. Kasama din siya sa unang Local TV Broadcast sa Laguna na Beyond Manila. Aktibong kasapi siya ng San Pablo Jaycees Senate bilang isang JCI Senator.
